A Costa da Morte Asociación Turística (CMAT) ven de realizar unha viaxe de intercambio de boas prácticas que responde á intención de seguir a mellorar a xestión turística da Costa da Morte a través do coñecemento directo doutras experiencias de éxito.
Para acadar o máximo beneficio do intercambio, desde a asociación buscouse un destino de natureza similar á propia Costa da Morte: un territorio formado por gran número de concellos, con zona de costa e interior, ubicado preto dunha cidade e cun punto de interese turística con elevada afluencia. Tendo estes criterios en conta, a Comarca de Uribe, en Bizkaia, cuxa xestión turística está ao carga da Asociación de Desenvolvemento Rural Jata Ondo, cumpría todos os requisitos.
A comitiva da CMAT encabezada por Manuel Muíño Espasandín, alcalde de Zas e presidente da CMAT; acompañado por María Lema Santabaya, concelleira de Turismo de Dumbría e vicepresidenta da entidade; Pepe Formoso Mourelos, presidente da APTCM e secretario da CMAT; José Muíño Domínguez, alcalde de Cabana e tesoureiro da CMAT; Damián Álvarez Tajes, secretario da APTCM e vocal da CMAT; e Marta Baños Talaván, responsable da asistencia técnica da CMAT (GOODLIFE); realizou o seguinte programa da man dos representantes de Jata-Ondo,Jokin Etxebarria (xerente) e Jagoba Martinez (técnico de turismo):
14 DE MAYO – MIÉRCOLES
9:00 h. Encuentro institucional e presentación da Comarca de Uribe na casa consistorial de Laukiz; xunto a Ion Gorka Elgezabal, presidente de Jata-Ondo e alcalde.
11:00 h. Visita Flysch de Bizkaia (Barrika- Sopela) coa participación de Eder García, concelleiro de promoción económica e turismo en Sopela.
16:00 h. Visita al caserío Landetxo Goikoa de Mungia, coa presentación por parte da alcaldesa, Alaitz Erkoreka, e a tenente de alcalde, Nagore Torre.
17:30 h. Visita explotación agrícola Mustai Ortua, xunto ao alcalde de Maruri-Jatabe, Erlantz Urresti.
19:00 h. Visita al Castillo de Butrón.
15 DE MAYO – JUEVES
9:00 h. Visita a San Juan de Gaztelugatxe, para coñecer o sistema de control de aforo mediante reservas e os paneis interactivos instalados para mellorar xestión sostible do punto turístico e a experiencia das persoas visitantes.
12:00 h. Conocer o núcleo urbano, camino de Santiago e a Ruta Medieval en Larrabetzu.
13:00 h. Visita ás instalacións de “A Gilda do Norte” xunto a representantes da deputación foral de Bizkaia: Leire Sáez (Directora de turismo da deputación foral de Bizkaia), Dicky do Hoyo (Responsable de comunicación do departamento de transportes mobilidade e turismo) e Aitor Apraiz (Asistencia técnica do departamento de turismo).
16:00 h. Reunión con empresarios do sector turístico de Uribe — hostalaría, aloxamentos e turismo activo —, na que abordouse o modelo de gobernanza impulsado por Jata-Ondo, que articula a colaboración entre o sector público e o privado en comparación co modelo presente na CMAT.
A valoración por parte dos representantes da CMAT desta visita é moi positiva: O contacto directo con este destino turístico, que enfronta retos semellantes aos da Costa da Morte, permitiu identificar solucións prácticas e contrastadas, que poden ser aplicadas á realidade do noso territorio. Ademais, este tipo de intercambios fomentan o establecemento de redes de colaboración entre territorios, enriquecendo a visión e capacidade técnica dos axentes locais implicados na xestión do turismo.
Esta iniciativa contribúe tamén a impulsar a profesionalización do sector, mellorar a calidade da oferta turística e avanzar cara a unha xestión máis sostible, innovadora e participativa do destino. Por tanto, considérase unha ferramenta eficaz para reforzar o posicionamento do noso territorio como destino turístico de referencia.
Tras esta viaxe intensa e inspiradora, a Asociación regresa a casa con ideas valiosas para seguir fortalecendo un turismo na Costa da Morte.
Trátase dunha acción estratéxica incluída dentro do programa de subvencións dirixido a entes de xestión, asociacións, mancomunidades e consorcios turísticos para a mellora da calidade, competitividade e actividades turísticas, da provincia da Coruña pola Deputación da Coruña; co obxectivo de observar, analizar e adaptar modelos innovadores de desenvolvemento turístico sostible, promoción do destino, participación do tecido empresarial local e a xestión de fluxos de visitantes.
