A nova Xunta Directiva da Costa da Morte Asociación Turística (CMAT) celebrou a súa primeira reunión en A Laracha, actual sede da presidencia, para marcar as prioridades e liñas de traballo que guiarán a súa acción nos vindeiros meses, cun claro compromiso coa promoción, preservación e desenvolvemento sostible da Costa da Morte.
José Manuel López Varela, alcalde da Laracha, toma o relevo na presidencia da CMAT (Costa da Morte Asociación Turística) de mans de Manuel Muiño Espasandín, rexedor do concello de Zas, quen exercía o cargo desde xullo de 2023.
A CMAT vén de realizar unha viaxe institucional á comarca de Uribe (Bizkaia) para coñecer de primeira man boas prácticas en xestión turística sostible. Durante dous días, representantes da asociación participaron en visitas técnicas, encontros institucionais e reunións con profesionais do sector, obtendo ideas valiosas que poden aplicarse no noso territorio para mellorar a calidade e competitividade do destino Costa da Morte.
A CMAT continúa a súa visita de intercambio na comarca de Uribe cunha segunda xornada centrada na xestión sostible e a cooperación público-privada. A visita incluíu Gaztelugatxe, o Camiño de Santiago en Larrabetzu e unha reunión con representantes da Deputación de Bizkaia, así como un encontro con empresarios locais. A experiencia achegou novas ideas e perspectivas para aplicar na Costa da Morte.
A Costa da Morte Asociación Turística (CMAT) arrancou hoxe a visita de intercambio de boas prácticas á comarca de Uribe (Bizkaia), cun programa organizado da man da Asociación de Desenvolvemento Jata-Ondo, entidade ao cargo do turismo neste destino.
