A delegación estivo formada pola presidenta Yolanda Díaz, a vicepresidenta Nieves Lema e o equipo de Monitores Starlight Costa da Morte —Charo Couto, Bego Brao e Antón Pazos—. Sumáronse tamén a vicepresidenta da CMAT e alcaldesa de Cee, Margarita Lamela, e a directora de Promoción de Turismo de Galicia, Carmen Pita, arroupando institucionalmente o proxecto Destino Costa da Morte Starlight.
Un Destino Starlight con identidade propia
Durante o encontro, a asociación compartiu experiencias e boas prácticas con iniciativas internacionais, salientando o valor do patrimonio natural e cultural da Costa da Morte, a súa rede de profesionais acreditados e o compromiso coa divulgación científica e o respecto pola natureza como base dun turismo transformador.
Eclipse de 2026: oportunidade científica e motor local
O programa formativo incluíu relatorios específicos sobre o Eclipse de 2026, un dos eventos astronómicos máis agardados da década. A asociación puxo o foco na planificación, sensibilización social e cooperación entre territorios para aproveitar este fito —que colocará Galicia entre os mellores lugares do mundo para a súa observación— como palanca de desenvolvemento local e promoción do coñecemento.
Compromiso cos ceos escuros e o turismo responsable
Coa súa participación en Soria, a Asociación de Astroturismo da Costa da Morte reafirma a adhesión a unha rede internacional que defende os ceos estrelados como patrimonio común e promove a cooperación para avanzar cara a un modelo turístico máis sostible e inspirador. A entidade continuará a participar en actividades, encontros e proxectos que reforcen o Destino Costa da Morte Starlight como referente do astroturismo en Galicia.
Contacto
Asociación de Astroturismo da Costa da Morte
Contacto de prensa: astoturismocm@gmail.com
