O Sistema de Calidade Turística en Destino, máis coñecido como SICTED, é un proxecto da Secretaría de Estado de Turismo (SETUR), que conta cunha metodoloxía propia que contribúe a implantar un sistema de xestión da calidade nos destinos turísticos, tendo en conta aos diferentes axentes turísticos locais, tanto públicos como privados.
Os destinos adheridos, e as empresas e entidades que cumpren os requisitos, obteñen o distintivo “Compromiso de Calidade Turística”, que acredita aos participantes e recoñece o seu esforzo e compromiso coa calidade e a mellora continua.
Esta metodoloxía baséase nunha visión global de destino, que é, precisamente, un dos obxectivos da CMAT de cara a mellora da competitivade da Costa da Morte como destino turístico. Búscase que a experiencia do visitante sexa de calidade, tendo en conta o uso, desfrute e/ou consumo que realiza das infraestruturas e servizos turísticos durante a súa viaxe.
Impulsar o SICTED e un dos obxectivos da CMAT para o cal foi xestionado o apoio e cofinanciación pola Deputación da Coruña, a través das axudas aos entes de xestión turística da provincia.
Abrimos o prazo no Ciclo 1 para incorporación de novas empresas a un proxecto que lles permite mellorar a sua calidade a partir da formación e implantación de boas practicas asesorados por expertos. O prazo para a realización das solicitudes está aberto ata o 20 de xullo estando prevista a primeira sesión de formación para mediados de setembro.
Para realizar a inscripción no SICTED hai que cursar a solicitude a través do seguinte formulario: https://www.calidadendestino.es/Contenidos/AdhesionSistema.aspx
O proceso tamén se reinicia para as empresas de ciclo 2 e 3 que xa foron contactadas para confirmar o seu interese en continuar e recibirán próximamente máis información sobre os seguintes pasos en canto a datas de formación, asistencias técnicas y evaluación. Se formas parte destes ciclos e aínda non confirmaches, debes poñerte en contacto con admincmat@visitacostadamorte.com canto antes para organizar a túa participación.
A participación no SICTED é completamente gratuita para as empresas. Durante o
primeiro ciclo teñen que asumir o compromiso de asistir a varias sesións de formación e recibir duas visitas dos asesores nas suas instalacións para traballar na implantación de boas prácticas e detectar áreas de mellora. Ao final do proceso recibirán unha evaluación para verificar que se cumplen cos requisitos e que se conta cun plan de mellora.
O obxectivo é desenvolver o proxecto a partir de mes de setembro novembro de 2025 realizando as diversas tarefas de maneira escalonada e adaptadas a dispoñibilidade dos participantes.
