Esta primeira xornada comezou cunha reunión de traballo cos representantes da asociación Jata-Ondo (Ion Gorka Elgezabal, presidente e alcalde de Laukiz; Jokin Etxebarria, xerente; e Jagoba Martínez, técnico da entidade), que compartiron coa Xunta Directiva da CMAT os seus programas turísticos e o funcionamento da xestión do seu destino.
A continuación, os anfitrións de Jata-Ondo e representantes institucionais acompañaron á comitiva da CMAT para presentarlles o seu proxecto xeolóxico do Flysch de Bizkaia, en Barrika e Sopela (coa participación de Eder García, concelleiro de promoción económica e turismo en Sopela).
Pola tarde, continuaron as visitas para coñecer outras iniciativas como o caserío Landetxo Goikoa en Munguía (cunha presentación por parte da alcaldesa, Alaitz Erkoreka, e a tenente de alcalde, Nagore Torre) e a explotación agrícola Mustai Ortua en Maruri-Jatabe (xunto ao alcalde Erlantz Urresti).
Unha primeira xornada moi enriquecedora para descubrir o que está a funcionar noutros territorios similares á Costa da Morte e sacar ideas para poder aplicar no territorio.
