Cada vez son máis os peregrinos que deciden continuar o Camiño de Santiago ata o fin do mundo, ben ata o Faro de Fisterra ou ben ata o Santuario da Virxe da Barca en Muxía.
Esta ruta ten un gran valor emocional, máis alá da beleza da ruta de sendeirismo en si. Falamos de dous destinos que ofrecen unha experiencia única e mística, como o punto final dunha travesía que simboliza o peche dun ciclo.
Este camiño é a última etapa dun viaxe espiritual que non remata en Santiago, senón que continúa ata o océano Atlántico, onde a maxestosidade do paisaxe e as tradicións galegas ofrecen unha experiencia memorable.
Por onde pasa o Camiño de Santiago a Fisterra e Muxía?
Iníciase en Santiago e a primeira etapa une a capital galega con Negreira, aínda fóra da Costa da Morte. A seguinte etapa une Negreira con Olveiroa, xa dentro do noso territorio. Olveiroa a Cee é a seguinte. Cee a Fisterra é a que leva ao fin do mundo.
Fisterra a Muxía para completar a ruta.
Ao longo da ruta, subiranse diferentes montes, como o Monte Aro desde o que se avistará o embalse da Fervenza. Nos quilómetros que suma esta ruta, pasarase por moitas ermitas, capelas e igrexas. E incontables cruceiros.
Poderase disfrutar de pequenos pobos, da natureza máis profunda e dos vestixios que, tanto os antigos como os actuais pobos, enchen esta terra.
Ao chegar a Cee poderemos ver o mar por primeira vez e a subida ao Faro de Fisterra será verse cara a cara co fin do mundo. Para rematar a ruta en Muxía, o océano manterase á nosa esquerda ao longo de toda a ruta, podendo disfrutar de fermosos penedos e praias infinitas.
En conclusión, o Camiño de Santiago a Fisterra e Muxía pasa por toda a esencia da Costa da Morte.
Cantos quilómetros son o Camiño á fin do mundo?
Seis etapas e case 120 quilómetros, para descubrir o interior da Costa da Morte e o fin do mundo. Esta ruta aspira a non ser unha simple ruta, senón un viaxe espiritual.
Onde aloxarse?
Ao longo do Camiño atoparás diferentes albergues, que farán o trayecto máis levadeiro. As etapas están ben diferenciadas e non terás problema por atopar onde durmir. Tamén atoparás pensións e casas rurais nas que durmir.
Se buscas uns aloxamentos máis especiais, en Fisterra podes durmir no propio faro e en Muxía en un Parador nacional.
Que levar no Camiño?
Estes consellos, se xa estás facendo a ruta máis longa, probablemente non che sexan de moita axuda. Pero se te estás plantexando facer esta ruta como a principal, aquí che deixamos algúns consellos:
• É importante levar roupa e calzado cómodo e resistente, xa que a ruta, aínda que non tan longa como as etapas principais do Camiño, segue sendo esixente en algunhas seccións.
• Ademais, non esquezas levar roupa adecuada para a chuvia, xa que o clima en Galicia pode ser impredecible. Un bo chubasqueiro e unha mochila impermeable axudarán a manterte seco no caso de mal tempo.
• Tamén é recomendable levar protector solar xa que, a pesar da chuvia, a exposición ao sol pode ser considerable.
Coidado ci Vákner
Isto non é un consello. É unha broma! O Vákner é un ser mitolóxico que o Concello de Dumbría, por onde transcorre o camiño, decidiu rescatar e utilizar en esculturas e murais. Conta a lenda que o Vákner, metade home metade lobo, aparecíalle aos peregrinos polo monte.
Coas súas impresionantes vistas, pobos pintorescos e a conexión co mar, este tramo final da peregrinaxe é o peche perfecto para os camiñantes que buscan unha experiencia máis profunda. Xa sexa para completar o teu viaxe de peregrinaxe ou para explorar a Costa da Morte, Fisterra e Muxía ofrecen unha combinación perfecta de historia, espiritualidade e beleza natural que non podes perderte.
Cando fagas o teu camiño pola zona, non esquezas etiquetarnos nas fotos que subas a Instagram na nosa conta @visitacostadamorte
