A Costa da Morte, situada no noroeste de Galicia, é famosa polos seus impresionantes paisaxes de penedos, praias virxes e montañas que parecen abrazar o Atlántico. Para os amantes da natureza e o sendeirismo, esta rexión ofrece rutas únicas que combinan historia, fauna e vistas que quitan o alento. Neste artigo, falámosche dalgunhas das mellores rutas de sendeirismo na Costa da Morte. Pero non son nin de lonxe as únicas.
¡Achegate a este marabilloso anaco de terra e mar para descubrir todo o que ofrece!
Camiño dos Faros
Admitimos que isto é un truco. É o Camiño dos Faros unha ruta de sendeirismo? Si. Necesitas polo menos oito días para completar os 200 quilómetros que a conforman? Probablemente tamén.
O Camiño dos Faros comeza en Malpica e vai pasando por todos os faros deste anaco de litoral ata rematar a última etapa no fin do mundo: o Faro de Fisterra.
É unha ruta complicada que se divide en 8 etapas, de entre 20 e 30 quilómetros cada unha, seguindo o contorno do océano.
Se queres algo máis sinxelo, recomendámosche que fagas calquera pequeno treito da ruta de ida e volta. ¡Xa sabes que hai ruta por todo o litoral!
De Razo a Malpica pola costa
E se o Camiño dos Faros che sabe a pouco e queres comezar a percorrer a costa un pouco máis ao norte, podes comezar na praia de Razo (Concello de Carballo) e seguir a liña de costa ata chegar a Malpica de Bergantiños, onde comeza o Camiño dos Faros.
Esta ruta pasa por múltiples praias, penedos, furnas e uns muíños de río aos pés do océano, os Muíños de Ardeleiro.
O Camino de Santiago na Costa da Morte
Cada vez son máis os peregrinos que, unha vez rematado o Camiño de Santiago chegando á catedral, deciden continuar a peregrinación cara á Costa da Morte. Máis en concreto, cara ao cabo Fisterra e ata o santuario da Virxe da Barca en Muxía.
Comeza en Santiago e a primeira etapa une a capital galega con Negreira, aínda fóra da Costa da Morte. A seguinte etapa une Negreira con Olveiroa, xa dentro do noso territorio. Olveiroa a Cee é a seguinte. Cee a Fisterra, a que leva ao fin do mundo.
Fisterra a Muxía para completar a ruta.
Seis etapas e case 120 quilómetros, para descubrir o interior da Costa da Morte e o fin do mundo. Esta ruta aspira a non ser unha simple ruta, senón un viaxe espiritual.
Monte Pindo: o Olimpo Celta
Coñecido como o “Olimpo Celta”, o Monte Pindo elévase maxestuoso sobre a vila do Pindo, ofrecendo unha experiencia de sendeirismo máis desafiante e cargada de mitoloxía. Dise que nas súas pedras se celebraban antigos rituais celtas e, ao alcanzar o cume, respírase unha enerxía especial.
Non é unha ruta longa, xa que son apenas catro quilómetros de subida (cos seus correspondentes catro de baixada), pero é unha ruta difícil. O ascenso require unha boa condición física.
O camiño sube entre formacións rochosas e vexetación de monte baixo, cunhas vistas que se volven máis espectaculares a medida que se sube. Desde o cumio, a 627 metros de altitud, pódese contemplar unha panorámica impresionante que abarca a Ría de Corcubión. Unha panorámica difícil de conseguir, pero probablemente unha das máis bonitas para a colección.
Ruta da Auga, Zas
É certo que ningunha das rutas mencionadas é fácil, aínda que ningunha é tan complicada como a última. Pero tamén queremos dar cabida aquí a rutas máis sinxelas. Neste sentido, a Ruta da Auga en Zas é unha das máis recomendables. Tanto se queres facer unha ruta curta e fácil como se realmente o de camiñar non é o teu e só queres unha foto bonita nun columpio, ¡esta é a túa!
Se a fas completa, son uns dez quilómetros circulares. Pero pódese achegar o coche a moitos dos puntos e non facer a ruta na súa totalidade.
Este paseo discorre por sendeiros nos que poderemos ver fervenzas, muíños, un batán, hórreos, abellarizas, un castro e moita flora e fauna.
Consellos prácticos
Recomendámosche o mesmo que en calquera outra ruta: leva calzado adecuado, snacks, auga e protector solar. A maiores, un chubasqueiro nunca está de máis. Nin sequera no verán.
Mapa Interactivo das Rutas
Poderás explorar estas rutas e planificar a túa aventura utilizando aplicacións de sendeirismo como Wikiloc, onde atoparás mapas detallados e reseñas doutros camiñantes que completaron as rutas. Integrar o uso destas ferramentas no teu viaxe permitirá ter un mellor control sobre os tempos. Non intentes explorar por conta propia. Nunca saias dos camiños marcados.
Explorar a Costa da Morte a pé é unha experiencia inolvidable que permite conectar coa esencia máis pura de Galicia, unha terra onde a natureza e a historia se entrelazan para crear paisaxes que cautivan e fascinan.
Se decides facer algunha destas rutas e subes fotos a Instagram, etiquétanos na conta @visitacostadamorte , onde tamén te podes deixar inspirar por quen xa sentiu a maxia deste espazo antes.
