CABO TOURIÑÁN, ÚLTIMO SOLPOR DE EUROPA

Achégate a Muxía a través de “CABO TOURIÑÁN, ÚLTIMO SOLPOR DE EUROPA”. Unha lectura perfecta para situarte: contexto, paisaxe e claves sen recheo. Pista: fíxate en europa.
133. Cabo e faro Touriñán

Polos anos vinte do pasado século o poeta muxián Gonzalo López Abente xa consideraba o cabo Touriñán coma a punta máis occidental de Galicia, así nolo expresa nun dos seus poemas: “dedo o máis longo da galega man”.

O cabo Touriñán é unha lingua de terra agreste, na que non medra ningún tipo de vexetación arbórea por estar azoutada polo vento e o salitre, que non permiten máis plantas que un manto baixo de queiroas e toxos. A península que constitúe este promontorio introdúcese no océano en dirección noroeste e remata na punta Gaivoteira.

Toda a liña litoral desta península está constituída por unha costa rochosa e escarpada, con pronunciados cantís, sobre todo na zona máis achegada ao faro, e perigosos baixos, que actúan como verdadeiras trampas para as embarcacións que naveguen por esta zona. De todos eles, o máis coñecido e de maior risco é a Laxe de Touriñán, a uns tres cuartos de milla ao oeste desta punta, no que se produciron numerosos naufraxios.

No lado oeste sitúase o Herboso ou Castelo, un pequeno illote separado de terra por un coído, ao que se pode acceder de marea baixa. O seu nome fai referencia ao un posible asentamento castrexo que houbo neste lugar. Tamén nesta parte oeste se sitúa o faro, do que existen dous edificios: o faro antigo e a torre do actual.

No Plan General de Alumbrado Marítimo de 1847 recollíase a idea de instalar un faro de primeira orde no cabo Touriñán en lugar do cabo Fisterra, argumentando que entre A Coruña e Fisterra debería haber dúas referencias principais de sinais marítimas, unha nas illas Sisargas e outra nesta punta de Muxía, pero esta idea inicial desbotouse e ese faro de primeira construíuse en Fisterra, deixando un de cuarta clase para Touriñán.

O proxecto do primitivo faro elaborouno Adolfo Pequeño, un dos enxeñeiros que deseñara o novo Vilán. Nel recóllese a construción dun sinxelo edificio de planta rectangular de 14 m de lado con perpiaño nas aberturas e o resto pintado de branco. No tellado sobresae unha pequena torre no centro, rodeada por un balcón con varandas de ferro, onde se instalará unha lanterna de cristais planos e montantes verticais, cun aparello óptico aproveitado do antigo faro Vilán.

Entrou en funcionamento a finais de 1898, sendo un dos últimos faros de Galicia construído no século XIX. Emitía unha luz branca cun alcance de 10 millas, producida por unha lámpada Mares de parafina. No ano 1918 reformóuselle a óptica e instalóuselle unha nova lámpada que funcionaba con vapor de petróleo a presión e tiña un alcance de luz de 20 millas. En 1981 construíuse a torre cilíndrica de formigón do novo faro, que funciona cunha lámpada eléctrica de 1500 vatios e proxecta a luz a unha distancia de 24 millas.

Cabo Touriñán é a punta máis occidental da España continental (Coordenadas: 43o 03’ 20’’ lat. N e 9º 17’ 54’’ lonx. O). Hai dúas épocas no ano que neste promontorio se pon o último raio de sol de Europa. A primeira, entre o 21 de marzo e o 23 de abril e a segunda, entre o 13 de agosto e o 22 de setembro, segundo un estudo realizado polo físico baiés Jorge Mira Pérez. Touriñán toma o relevo de cabo Roca, en Portugal, e cédello ao cabo Vardetangen, en Noruega. Tal feito supón un atractivo máis para visitar este extremo máis occidental de Galicia.

Galería de fotos de CABO TOURIÑÁN, ÚLTIMO SOLPOR DE EUROPA

Descubre la Costa da Morte en nuestro blog

Blog Costa da Morte

PONTE LUBIÁN, MEMORIA DE ANTIGOS CAMIÑOS

O territorio da Costa da Morte, debido á súa situación periférica, na antigüidade non foi atravesado por vías de comunic...

Observación de aves en Costa da Morte

A observación de aves é moito máis que un pasatempo; é unha ferramenta poderosa para conectar as persoas coa natureza e ...

CEE, A PRIMEIRA VILA INDUSTRIAL DA COSTA DA MORTE

A vila ceense, situada na cabeceira da ría de Corcubión, ten unha longa historia que comeza no século XII, cando o arceb...

ENSEADA DA INSUA, RESERVA ORNITOLÓXICA

Ao longo da Costa da Morte dispoñemos de moitos espazos que nos ofrecen a posibilidade de gozar da natureza a nivel pais...

FISTERRA, A EMOCIÓN DO FINAL DO CAMIÑO

A vila de Fisterra tivo a sorte de que os seus primitivos poboadores a bautizasen cun nome tan suxestivo. A maior aspira...

Historias y leyendas marineras de la Costa da Morte: mi...

La Costa da Morte es mucho más que un destino de naturaleza salvaje y playas infinitas. Su historia está vinculada al ma...

Vilas con encanto na Costa da Morte: rutas por Corme, C...

Entre portos pesqueiros, praias abertas ao Atlántico e rúas con historia, a Costa da Morte conserva vilas que convidan a...

Actividades ao aire libre na Costa da Morte: surf, kaya...

A Costa da Morte, como é de esperar, é terra de actividades ao aire libre. Especialmente acuáticas. Aínda que é certo qu...

Como aprender a surfear: Guía para principiantes desde ...

A Costa da Morte, coa súa natureza salvaxe e ondas de diferente tipo, converteuse nun destino moi popular entre os amant...

Sabores do Atlántico: a gastronomía da Costa da Morte

A Costa da Morte é un destino que cautiva polas súas paisaxes salvaxes, os seus faros impoñentes e o seu mar bravo. Pero...

Próximos eventos na Costa da Morte

Descubre ao instante qué actividades che agardan na Costa da Morte. Aquí atoparás unha listaxe actualizada de concertos, feiras, rutas guiadas e espectáculos que se celebran na Costa da Morte. Non te perdas ningunha cita: vive a cultura, o deporte e a tradición da nosa comarca. E se queres enterarte antes que ninguén, apúntate á nosa newsletter e recibirás todas as novidades no teu email.

  • Luns
    16
    Novembro

    Efecto Dominó 25N: der...

    A partir do 16 de novembro de 2026, o alumnado de Primaria do CEIP Lab...

  • Luns
    16
    Novembro

    Curso de regulación em...

    O Concello de Zas inclúe un curso de regulación emocional na súa progr...

  • Mércores
    18
    Novembro

    Obradoiros de costura ...

    A Biblioteca Rego da Balsa de Carballo acolle do 8 de outubro ao 18 de...

Logo Cmat Color Fondo Transparente
Resumen de privacidade

Esta web utiliza cookies para que poidamos ofrecerte a mellor experiencia de usuario posible. A información das cookies almacénase no teu navegador e realiza funcións tales como reconocerte cando volves a nosa web ou axudar ao noso equipo a comprender qué seccións da web encontras máis interesantes e útiles.