A súa programación como parte deste circuíto da Xunta é cofinanciada pola Agadic e o Concello, cun investimento conxunto nestas actuacións de 40.650 euros. A nova carteleira ábrese mañá coa representación de ‘Elisa e Marcela’ por A Panadaría. Impulsada pola Consellería de Cultura en colaboración coas entidades locais asociadas, a Rede ofrecerá ata xuño 346 actuacións en 37 municipios
Elisa e Marcela, unha coprodución de A Panadaría co Centro Dramático Galegoque conta a historia das dúas mulleres que en 1901 formaron na Coruña o primeiro matrimonio homosexual do Estado, é a obra encargada de abrir mañá venres, ás 20,30 h, a completa carteleira que a Rede Galega de Teatros e Auditorios lle ofrecerá ao público de Carballo ata finais de abril.
Como parte deste circuíto, xestionado pola Axencia Galega das Industrias Culturais (Agadic) en colaboración coas entidades locais asociadas, o Pazo da Cultura carballés acollerá 13 actuacións de teatro, danza e música, tanto con espectáculos destinados ao público adulto como ao público familiar. O investimento nesta carteleira sitúase en 40.650 euros, achegados pola Agadic e mailo Concello.
Entre as propostas da nova carteleira destacaun dos espectáculos que se estrean nesta temporada: Casa O’Rei, co queIbuprofeno Teatro completa a súa triloxía gastronómica e que poderá verse no Pazo da Cultura o 23 de marzo. A montaxe leva a escena un texto de Santiago Cortegoso, quenpropón un xogo escénico e dramatúrxico a partir de O Rei Lear de William Shakespeare, pero aquí ambientado nunha típica casa de comidas galega.
Para o público adulto están pensadas tamén outras sete producións que pasarán por Carballo nestes meses. En marzo, Helena: Xuízo a unha lurpia (día 9), unha revisión contemporánea do mito de Helena de Troia a cargo Teatro do Atlántico; eo concerto de De Vacas (16 de marzo), coas súas versións á galega dun amplo abano de estilos musicais.
