VAL DO RÍO BEBA, INTENSO VERDOR DA PAISAXE

Descobre Mazaricos a través de “VAL DO RÍO BEBA, INTENSO VERDOR DA PAISAXE”. Un relato que conecta historia e costa, tal e como se vive desde dentro. Pista: fíxate en intenso.
187. Área recreativa da Pontenova

O val do río Beba sitúase entre os montes da Ruña e unha pequena lomba que o separa do val de Mazaricos. Representa unha mostra da paisaxe do concello mazaricán na que os prados alternan con zonas de plantación forestal e bosque autóctono. Distribuídos por este territorio, aséntanse os pequenos núcleos de poboación das parroquias de San Salvador de Colúns, San Xián de Beba e Santa María de Coiro.

O río Beba ao longo do seu percorrido, desde o nacemento nas proximidades de San Cristovo ata a desembocadura no Xallas, rega as terras de toda esa valgada, que se vai ensanchando de norte a sur. Para coñecer este fermoso val propoñemos realizar unha ruta en dirección oposta á corrente da arteria fluvial, desde Colúns ata Suevos (Coiro). Para chegar a Colúns desviarémonos á dereita en Ponte Olveira ou Zanfoga, na estrada DP-3404 que vai de Dumbría ao Pino do Val. A primeira parada farémola na igrexa de Colúns para ver no seu adro o curioso cruceiro composto por tres columnas que rematan nun capitel decorado con cabezas de anxos e volutas. Na cruz represéntase nunha cara o abrazo de Cristo a San Francisco, e na outra, a imaxe da Virxe.

Continuamos pola estrada que bordea o río en dirección á área recreativa da Pontenova, situada a carón dunha antiga ponte dun só arco apuntado. Esta construción, a praia fluvial, os muíños e o bosque de ribeira, forman un acolledor espazo que nos permite gozar da natureza. Desde este fermoso lugar, dirixímonos á parroquia de Beba, que dá nome ao río e ao val. Faremos unha parada para observar a cabeceira románica da súa igrexa e contemplar a vista panorámica do val polo que estamos a viaxar.

Desde Beba achegámonos á igrexa parroquial de Coiro, a través da estrada que, en liña recta, cruza o val pola parte esquerda. O templo sitúase sobre un outeiro e destaca na paisaxe. Trátase dunha construción barroca, cunha capela maior do século XVI. No extremo sur da fachada elévase unha torre campanario de imitación barroca, de comezos do século XX.

Desde Coiro continuamos ruta en dirección a Suevos. Nesta aldea convén visitar o cruceiro do Cirolán, unha obra escultórica de grande interese, situada ao pé do río. No seu pedestal aparece esta inscrición: “A devoción de D. Ventura Pérez de Lema. Año de 1861”. Na cruz represéntase o desencravo de Cristo. No reverso, Xosé de Arimatea e Nicodemo, subidos a cadansúa escada, realizan o desencravo. Entre as escadas vese a San Buenaventura co libro e a pluma. No frontal, un criado terma do corpo de Xesús, e María, axeónllase ao pé da escena. Esta magnífica obra atribúeselle ao escultor compostelán Francisco María Rodeiro Permuy.

Galería de fotos de VAL DO RÍO BEBA, INTENSO VERDOR DA PAISAXE

Descubre la Costa da Morte en nuestro blog

Blog Costa da Morte

Actividades ao aire libre na Costa da Morte: surf, kaya...

A Costa da Morte, como é de esperar, é terra de actividades ao aire libre. Especialmente acuáticas. Aínda que é certo qu...

RAZO-BALDAIO, MODELO DE DIVERSIDADE AMBIENTAL

En poucos lugares da costa galega hai unha área natural con tanta diversidade como neste espazo litoral carballés, no qu...

REFUXIO DE VERDES, PLENITUDE DE BELEZA NATURAL

O río Anllóns, esa serpe de prata que atravesa Bergantiños de leste a oeste, despois do seu paso pola vila de Carballo e...

CASTELO DE VIMIANZO, SÍMBOLO DO DOMINIO DOS MOSCOSO NA ...

Son poucas as fortalezas medievais que lograron manterse en pé en Galicia. No territorio da Costa da Morte hai algunhas ...

MORAIME, CENTRO HISTÓRICO DA COSTA DA MORTE

Existe un gran descoñecemento da historia de Moraime e do papel que desempeñou en tempos pasados como centro relixioso e...

FERVENZA DO ÉZARO, ESPLENDOROSO ESPECTÁCULO NATURAL

O río Xallas, que leva o nome da comarca que atravesa, ten as súas primeiras fontes na ladeira occidental do monte Caste...

CORISTANCO, TERRA DA PATACA

Cando pronunciamos o nome de Coristanco, asociado a el de inmediato vénnos á memoria a verba “pataca”, ese tubérculo com...

PEDRA DO BRAZAL, NATUREZA EN EQUILIBRIO

A natureza foi moi bondadosa coa Costa da Morte, deixándonos senlleiros monumentos naturais labrados co cicel da auga e ...

A PENELA E RIOBÓ, HISTORIA E ARTE NO SILENCIO

Hai lugares na Costa da Morte que conservan un prezado patrimonio histórico, pero por situarse afastados das principais ...

BRANDOMIL, A MAIOR PRESENCIA ROMANA EN A COSTA DA MORTE

Tense afirmado que nas terras máis occidentais de Galicia, como son as da Costa da Morte, o grao de romanización foi moi...

Próximos eventos na Costa da Morte

Descubre ao instante qué actividades che agardan na Costa da Morte. Aquí atoparás unha listaxe actualizada de concertos, feiras, rutas guiadas e espectáculos que se celebran na Costa da Morte. Non te perdas ningunha cita: vive a cultura, o deporte e a tradición da nosa comarca. E se queres enterarte antes que ninguén, apúntate á nosa newsletter e recibirás todas as novidades no teu email.

  • Luns
    16
    Novembro

    Efecto Dominó 25N: der...

    A partir do 16 de novembro de 2026, o alumnado de Primaria do CEIP Lab...

  • Luns
    16
    Novembro

    Curso de regulación em...

    O Concello de Zas inclúe un curso de regulación emocional na súa progr...

  • Mércores
    18
    Novembro

    Véxote con outros ollo...

    O mércores 18 de novembro de 2026 ás 19:00 h, o Auditorio de Baio acol...

Logo Cmat Color Fondo Transparente
Resumen de privacidade

Esta web utiliza cookies para que poidamos ofrecerte a mellor experiencia de usuario posible. A información das cookies almacénase no teu navegador e realiza funcións tales como reconocerte cando volves a nosa web ou axudar ao noso equipo a comprender qué seccións da web encontras máis interesantes e útiles.