Calquera que se acerque á mina de Recesindes ten sorpresa garantida e non só polo tamaño da mámoa (túmulo de terra) de 25 metros de diámetro, senón pola cámara escondida.
A súa forma, poligonal, case circular e con corredor, non é moi habitual na Costa da Morte.
Pero é a colocación das seis losas de pedra do dolmen o que o fai excepcional, porque están magníficamente traballadas para encaixar, con precisión milimétrica, sen deixar ningún espazo entre elas.
Mesmo se pode ver como están regularizadas na parte superior para poder colocar perfectamente a tapa, da que a día de hoxe non quedan rastros.
Este monumento forma parte dunha necrópolis megalítica da que se conservan outros dous túmulos ao suroeste, e dous máis foron destruídos coa construción da estrada que pasa xusto ao lado da Mina.
Hai noticias de escavacións realizadas por buscadores de tesouros durante a Guerra Civil, en 1936 nas que, segundo un veciño, se atoparon dúas hachas de pedra e unha cazuela.
