Este venres 26 de xaneiro, celebraremos a primeira actividade reLAXEse 2018, enmarcada nun intenso programa que titulamos “Inverno Gastronómico e Enolóxico”. Por mor dos requisitos técnicos esixidos para a óptima realización da actividade, esta celebrarase a porta pechada en Áncora Taberna, ás 5 da tarde. Consiste nun taller de coctelería a cargo do prestixioso Carlos Varela, cocteleiro oficial de MONIN. O taller non ten custe para os participantes, e está dirixido a tódalas persoas interesadas, tanto profesionais como afeccionadas, que desexen iniciarse ou perfeccionarse na creación de bebidas especiais con ou sen alcohol. Como se crean os chupitos en capa? Como servir un cóctel con arte visual? En que consiste a arte do licué? Cal é o segredo para ofrecer o mellor cóctel? Estas cuestións, así como consellos, trucos e técnicas, estarán mañán ó noso alcance, en vivo, grazas ás profesionais destrezas de Carlos Varela. Organiza a Concellería de Comercio, Hostalería e Turismo de Laxe, coa colaboración da Deputación Provincial da Coruña.
