O de onte, no Forum Carballo, foi o derradeiro encontro celebrado co sector turístico da Costa da Morte, pechando as mesas de traballo público-privadas integradas no Programa de Concertación do Plan de Acción de Costa da Morte.
A CMAT, ca colaboración dos concellos do xeodestino, APTCM, numerosas empresas turísticas locais e outras entidades supramunicipais, obterá información relevante sobre as necesidades do sector, as súas prioridades, as súas propostas e a visión sobre o destino de Costa da Morte a corto, medio e longo prazo.
En canto ás outras canles de colaboración, a CMAT destaca a participación de máis de 40 persoas no proceso de reunións técnicas individuais cos concellos do xeodestino, nas que concurriron alcaldes, concelleiros e técnicos de turismo, cultura e desenvolvemento local. Nestas sesións realizáronse entrevistas en profundidade con cada concello, nas que se fomentou o debate e a priorización sobre cuestións relevantes tanto a nivel local coma do xeodestino.
Finalizado o prazo para cumprimentar e enviar a enquisa dirixida a empresas turísticas da Costa da Morte,a CMAT recibiu un total de 74 formularios cubertos, procedentes de aloxamentos, restaurantes, empresas de turismo activo, empresas de ocio náutico, guías, artesanía e comercio local, transportes e axencias, entre outros. Estos cuestionarios recollen achegas e reflexións moi interesantes para incorporar no Plan de Acción, tanto a nivel de diagnose como dende o ambito propositivo.
O Plan de Concertación darase por finalizado na primeira quincena de xuño, na que se desenvolverán as últimas reunións con outros organismos implicados no desenrolo turístico da Costa da Morte e de Galicia. Estas xuntanzas estarán enfocadas a aliñar as accións do Plan coas políticas vixentes, maximizando o aproveitamento de sinerxías, establecendo unha profunda anlise das oportunidades de adhesión a determinados proxectos e abrindo portas de colaboracións coas principais entidades turísticas e de desenvolvemento territorial de Galicia.
A CMAT móstrase moi satisfeita co grao de participación e implicación do sector, e velará por que as prioridades do mesmo sexan tamén as prioridades do Plan de Acción, de modo que se enfoquen accións dirixidas á dar resposta ás principais necesidades demandadas polo sector.
