Dentro do marco das axudas da Deputación da Coruña 2019 estanse a organizar diferentes proxectos e actividades que buscan acadar unha maior competitividade do sector turístico na zona. Un ano máis, na Costa da Morte contémplase o desenvolvemento dun Programa Formativo gratuíto para profesionais, de cara á especialización do destino en tres piares fundamentais do turismo: inglés, marketing e gastronomía.
Entre setembro e decembro, grandes profesionais impartirán os seguintes módulos en formato de cursos e xornadas formativas de balde (previa inscrición).
- Octopus to the party será a encargada de impartir o curso de “Inglés básico e medio aplicado a hostalaría e aos informadores turísticos”.
- De que vai? Adquisición de destrezas prácticas na comunicación en inglés orientadas á atención de visitantes. Haberá dous módulos, un para informadores turísticos e persoal de concellos e outro para traballadores de aloxamentos e hostelaría.
- Cando? Martes e xoves entre o 15 de outubro e o 7 de novembro.
- Onde? Fórum Carballo.
- Acerta Formación impartirá a formación sobre mellora da competitividade en gastronomía local.
- De que tratará? Profesionais de diferentes ámbitos introducirán aos participantes nas súas especialidades: repostería creativa, coctelería, barista e uso de produtos do mar locais.
- Cando? Entre o 30 de setembro e o 25 de novembro.
- Onde? Fórum Carballo
- Entorno Anfibio será a encargada de impartir o módulo formativo sobre marketing online para destinos turísticos e deseño de programas culturais.
- De que vai? trataranse aspectos que van dende a atención a persoas con necesidades especiais en espazos de interese patrimonial ata analítica web e redes sociais.
- Cando? Entre o 18 e o 22 de novembro de xeito presencial e do 23 ao 30 no módulo online.
- Onde? Centro Sociocultural de Baio (Zas)
Os prazos e procedemento para inscribirse nos módulos formativos están especificados no propio programa.
A CMAT segue traballando nas liñas de acción do Plan de Acción para o Turismo da Costa da Morte 2019-2021, nas que se contemplaron as necesidades formativas do sector turístico para acadar un desenvolvemento turístico sostible.
