- Percorrido: Lineal
- Punto de partida/chegada: Porto de Fisterra
- Longitud: 4.00 km (ida)
- Duración aproximada (ida e volta): 2 horas
- Dificultade: Media
O Faro de Fisterra, o fin do mundo, é o punto final de moitas rutas e peregrinacións.
Esta ruta ten como destino un dos lugares máis emblemáticos da Costa da Morte e de Galicia.
É unha ruta curta, pero hai que ter en conta os tramos de pronunciada subida desde o momento que saímos de Fisterra ata a cima do monte.
Parte do porto bordeando a liña de costa en dirección ao Castillo de San Carlos, fortificación do s.
XVIII, continuando despois ata a Igrexa de Santa María das Areas.
Despois de visitar esta igrexa, comeza a subida ao Monte San Guillermo, collendo unha desviación a man dereita, a uns 100 m.
da igrexa.
Segue a subida por camiños forestais, onde os principais desvíos están sinalizados.
Chegamos ao Monte San Guillermo, desde o que se divisa unha das vistas panorámicas máis irmosas da Vila de Fisterra e dos seus mares.
Neste lugar cóntase que estivo emprazado a Ara Solis, un templo prerromano cun marcado e profundo culto ao Sol.
Estamos nun dos puntos máis emblemáticos do Camiño de Santiago.
Continuamos o ascenso ata atopar a pista asfaltada que sube ao Monte Facho.
Ao final desta pista continúase por outra de terra que nos leva ás Pedras Santas, onde podemos observar outra espectacular panorámica de Fisterra e o seu istmo.
Cando comezamos a baixada nos iremos acercando paulatinamente ao Faro e ao punto final da nosa ruta.
Neste lugar podemos recrearnos coa súa espectacular posta de sol e contaxiarnos do bullicio dos moitos peregrinos e excursións que abranguen as inmediacións do faro e os acantilados próximos.
Neste punto tamén podemos atopar aos camiñantes que culminan o Camiño dos Faros, na última etapa da praia de Nemiña.
A forma de regresar máis rápida é descender pola ladeira da pista que conecta Fisterra co Faro onde podemos utilizar o sendeiro peonil que separa os camiñantes dos coches e permite realizar o paseo de forma segura.
Podemos completar a xornada en Fisterra desfrutando da gastronomía onde destaca o marisco e mesmo realizar un percorrido nun dos barcos turísticos que saen do porto.
Outra proposta é desfrutar dunha sesión de praia no cercano arenal de Langosteira onde poderemos observar o paso dos peregrinos tranquilamente instalados na area.
Acceso á ruta no noso perfil de wikiloc
