- Percorrido: Lineal
- Punto de partida/chegada: Igrexa do Pindo – A Moa
- Lonxitude: 4,00 km (ida)
- Duración aproximada (ida e volta): 3 horas
- Dificultade: Media
Outra das alternativas para subir até a cima do Monte Pindo con saída ao nivel do mar xunto a praza da igrexa do Pindo.
Ao pouco de comezar atopamos numerosos muiños de auga e unha cova na que se refuxiaron fuxitivos da Guerra Civil.
A medida que ascendemos pasamos polo Castelo de San Xurxo e continuamos até O Pedrullo, onde aínda se poden observar os restos das murallas que antigamente circundaban a construción primitiva. Despois de percorrer un pequeno treito chegamos ao “Chan de Lourenzo”, un espazo aberto onde se atopa o Xigante do Chan de Lourenzo e o que queda dunha explotación de volframio. Dende este lugar podemos divisar o cume da Moa e continuar ascendendo até a cima. Unha subida dura, pero que merece a pena pola vista da paisaxe que podemos contemplar e a sensación de estar nun lugar máxico.
En esta ruta descubriremos as formas sorprendentes que adoptan as pedras e a potencia de unha paisaxe de gran valor, a pesar dos notables estragos dos incendios. Preto da cume, merece a pena facer un alto na fermosa área de descanso, dotada con mesas de madeira.
Unha ruta perfectamente sinalizada que podemos culminar cun baño na praia de San Pedro, unha vez descendamos até o nivel do mar.
Podemos completar a xornada visitando outro dos maiores atractivos do lugar: A Fervenza do Ézaro, o único río da Europa continental que desemboca no mar cun salto de auga. Este é un lugar moi visitado, sobre todo nos meses de verán, onde podes desfrutar do espectáculo audiovisual da Fervenza do Ézaro. Un espectáculo único, unha combinación máxica de auga, pedra, vexetación, luces, cores e música…
Outro lugar emblemático é o miradoiro de o Ézaro, onde atopamos unhas vistas de infarto que conseguiron moita popularidade nos últimos anos por ser o fin de etapa na Volta Ciclista a España.
Acceso á ruta no noso perfil de wikiloc
