A Concellería de Comercio, Hostalería e Turismo de Laxe, promove por segundo ano consecutivo a organización do Día do Comercio, en colaboración coa Dirección Xeral de Comercio e Consumo da Xunta de Galicia, e o empresariado local.
Os comercios que participan na campaña son: Floristaría Rebeca, libraría Torre Penedo, Perruquería Azabache, A Tenda de Inma, Calzados Martínez, Ortopedia Alquimia, Chuchelandia, Farmacia Mª C. Gómez, Bazar Laxe Hong Fa, Estación de Servicio Santa Rosa, Ferretería Sergio, Parafarmacia Alquimia, A Tenda do Centro, Estanco Casa López, e Perruquería A de Lore.
Con motivo desta celebración, dende o sábado 19 de maio ata o sábado 26 de maio, os consumidores destes establecementos recibirán tickets, cos que entrar nos sorteos de premios consistentes en 6 vales de compra por valor de 50 € cada un, e unha cea para dúas persoas en Áncora Taberna.
O sorteo dos premios celebrarase o martes 29 de maio ás 11.00 horas nas Oficinas Xerais da Casa do Concello. Os números premiados quedarán expostos no taboleiro de anuncios da Casa do Concello, e publicaranse tanto na páxina web co Concello (www.concellodelaxe.com) coma nas Redes Sociais “Turismo Laxe” (Facebook, Twitter e Instagram).
Para completar a celebración do Día do Mercado, o sábado 26, durante todo o día, estará o Mago Deimi realizando un espectáculo de maxia de preto polo locais colaboradores.
