Grazas ao cofinanciamento entre CMAT e a Xunta de Galicia a través dun convenio con Turismo de Galicia, promóvese a campaña Costa da Morte Familiar.
O obxectivo desta campaña é dar a coñecer Costa da Morte como destino familiar e, sobre todo, motivar ás familias galegas a visitar os diferentes concellos para descubrir a súa diversidade patrimonial, natural e cultural.
Desde a CMAT, esta anualidade, ademais desta campaña se aposta por outras campañas temáticas como son: Megalitismo, Turismo Xeolóxico e Praias salvaxes e de surf.
Dúas familias galegas formadas por bloggers e influencers especializadas en viaxes percorrerán os diferentes concellos que conforman Costa da Morte durante dúas #fin# de semana. Os lugares e actividades que coñecerán están pensados para familias con nenas e nenos, así como establecementos con servizos ideais para este segmento de público, priorizando aqueles adheridos á CMAT a través da entidade APTCM. Tívose en conta que, ao tratarse de familias con nenos pequenos, hai certa flexibilidade para garantir o seu benestar e o goce de todos os membros da familia.
Estas familias visitan Costa da Morte fóra de tempada alta, co obxectivo de promover o destino durante todo o ano e seguir traballando para desestacionalizar os fluxos turísticos.
A Campaña Costa da Morte Familiar estará liderada de novo por Eva Abal e Dani Keral, dous bloggers de viaxes profesionais fincadas en Galicia con blogues – Unha Viaxe Creativa e Unha idea, unha viaxe – referentes dentro da blogosfera española.
A fin de semana do 24-25 de setembro Tres irmás e unha monovolume percorrerán a Costa da Morte nunha viaxe de 2 días no que visitarán Carnota, Dumbría, Mazaricos, Corcubión, Muxía, Fisterra, Cee, Camariñas, Vimianzo e Zas.
Mediante distintas actividades, adaptadas para “As Piquis”, poderán gozar de todo o que o destino pode ofrecer: cultura, gastronomía, deporte, arte, historia. Turismo para todos os gustos e idades.
Tres irmás e unha monovolume teñen un perfil de Instagram no que comparten plans divertidos para facer en familia ás súas case 20.000 seguidores.
A segunda familia blogueira é Escapalandia, un blogue cunha gran comunidade de seguidores conformada por familias que creceron cos seus fillos, con máis de 100.000 visitas mensuais. Centrado en escapadas curtas e fins de semana, con compoñente de natureza, áreas recreativas ou roteiros, cultural con museos ou patrimonio e etnográfico. Actualmente conta con 3.684 seguidores en Instagram, 3.238 en Twitter e 18.178 en Facebook.
Contaremos coa súa visita a Costa da Morte en outubro, onde realizará diversas actividades na zona norte. Proximamente descubriremos o programa de actividades e concellos que visitarán.
