Incrementar a visibilidade e posicionar os recursos naturais, culturais, gastronómicos, litorais e a artesanía dos concellos, son os obxectivos cos que acode a área de Turismo da Deputación da Coruña á V edición da Feira Ibérica de Turismo (FIT), que entre os días 28 de abril e 1 de maio, se desenvolverá na cidade portuguesa da Guarda. A oferta turística de Malpica, Ponteceso, Carballo, Laxe, Vimianzo e Muxía mostrarase na feira de referencia do sector en Portugal.
Alén da gastronomía, a Deputación da Coruña tamén proxectará no país veciño unha ampla variedade dos recursos turísticos, patrimoniais, culturais e artesás que posúen os municipios da provincia da Coruña. Neste particular, durante o serán do sábado 28 abril, os concellos de Vimianzo, coa presentación do seu patrimonio vivo; Muxía coa súa oferta de turismo ornitolóxico, os oleiros de Malpica, ou os recursos litorais e as redeiras de Ponteceso, formarán parte da programación vespertina elaborada pola Deputación
