FISTERRA, A EMOCIÓN DO FINAL DO CAMIÑO

Descobre Fisterra a través de “FISTERRA, A EMOCIÓN DO FINAL DO CAMIÑO”. Se che interesa a identidade local, este texto vaite enganchar. Pista: fíxate en final.
138. A vila de Fisterra nos anos 30 do pasado século (R. Caamaño)

A vila de Fisterra tivo a sorte de que os seus primitivos poboadores a bautizasen cun nome tan suxestivo. A maior aspiración de calquera camiñante sempre será acadar unha meta. Se resulta que esa meta se sitúa ao final do mundo coñecido, a motivación para chegar a ela aínda é maior. Isto foi o que lle outorgou a Fisterra ese talismán para atraer a viaxeiros e peregrinos.

Aínda que este extremo do continente estivo habitado desde tempos prehistóricos, así o documentan materiais arqueolóxicos atopados no val de Duio, a vila de Fisterra formouse no medievo. Desde finais do século XIII ata finais do seguinte pertenceu á familia dos Mariño. Desde a Idade Media hai documentación da chegada de viaxeiros e peregrinos a Fisterra, moitos deles deixaron constancia da viaxe e das impresións que lle causou a localidade. No ano 1469 xa existía un hospital de peregrinos a carón da igrexa parroquial.

Fisterra tampouco foi allea ás invasións da piratería estranxeira, primeiro de normandos e musulmáns, e máis tarde, de ingleses e franceses. O cardeal Del Hoyo dinos que a poboación do núcleo fisterrán vivía pobremente e que as súas casas foran incendiadas varias veces por esas razzias. Tamén chegaron a este porto as tropas francesas, que saquearon a localidade e incendiaron o castelo de San Carlos.

O núcleo primitivo formado arredor da praia da Ribeira foi medrando cara ao leste ata configurarse en dous barrios: o Cabo da Xesta, o máis antigo, situado na parte occidental, e o Cabo da Vila, máis moderno, que se estendía pola actual rúa de Santa Catalina.

A Fisterra actual é moi diferente a aquela de séculos pasados, aínda que hai zonas que conservan a estrutura do núcleo histórico, pero a maioría das casas foron reformadas ou son de nova construción. O turismo é a actividade económica principal da poboación fisterrá, atraído por ser final do camiño xacobeo, polo que representa esta vila e o cabo Fisterra como extremo máis occidental do continente europeo.

Hai varios lugares da vila que convén visitar. En primeiro lugar, a zona portuaria, adornada polo colorido das múltiples embarcacións de pesca, onde se sitúa a nova lonxa, un edifico moderno, construído entre os anos 2004 e 2006, obra da arquitecta Covadonga Carrasco. Na mesma zona tamén se localiza a áncora do Casón, o barco que embarrancou en 1987 nesta costa e creou o pánico entre a poboación da zona polo perigo da carga que levaba a bordo.

Detrás do porto sitúase o castelo de San Carlos, de mediados do século XVIII, que alberga o Museo de Pesca, que acolle artes de pesca e información sobre a tradición mariñeira deste porto. Nas rúas do interior do núcleo atoparémonos con casas tradicionais que nos permitirán coñecer como era a Fisterra histórica. Na praza de Ara Solis localízase a capela do Bo Suceso, unha edificación barroca de 1743.

A igrexa parroquial de Santa María das Areas sitúase nas aforas, ao pé da estrada que leva ao cabo Fisterra. Conserva algúns elementos románicos pero a súa estrutura é gótica, á que se lle foron engadindo outras construcións que desfiguraron a súa forma orixinal. Entre elas sobresae a capela barroca do Santo Cristo, cun retablo deste mesmo estilo, que acolle a imaxe gótica do Cristo, pola que a veciñanza sente gran devoción. No campo que hai ao sur da igrexa o domingo de Pascua escenifícase a Resurrección de Cristo, acto ao que acode multitude de romeiros.

Galería de fotos de FISTERRA, A EMOCIÓN DO FINAL DO CAMIÑO

Descubre la Costa da Morte en nuestro blog

Blog Costa da Morte

DOLMEN DE DOMBATE, CATEDRAL DO MEGALITISMO GALEGO

A cultura megalítica representa un dos maiores símbolos de identidade da Costa da Morte. Ao longo do seu territorio hai ...

Observación de aves en Costa da Morte

A observación de aves é moito máis que un pasatempo; é unha ferramenta poderosa para conectar as persoas coa natureza e ...

DERRUBANDO MUROS CON PINTURA, PROXECTO PARA CURAR FERID...

A vila de Carballo formouse na banda dereita do Anllóns na primeira metade do século XVIII tralo redescubrimento das aug...

CAMARIÑAS, ONDE O MAR SE VOLVE ENCAIXE

Camariñas é desas vilas que ten un selo de identificación moi definido, pois simplemente con pronunciar o nome desta loc...

CAMELLE, OMNIPRESENCIA DA FIGURA DE MAN

Camelle, ata non hai moitos anos, era un pequeno núcleo mariñeiro que se estendía pola parte esquerda da baía que leva e...

Sabores do Atlántico: a gastronomía da Costa da Morte

A Costa da Morte é un destino que cautiva polas súas paisaxes salvaxes, os seus faros impoñentes e o seu mar bravo. Pero...

CABO FISTERRA, A ÚLTIMA PARADA CARA AO ALÉN

Calquera viaxeiro que chegue ao cabo Fisterra e se poña a contemplar o mar sen saber que máis alá se atopa o continente ...

O VÁKNER, ENIGMÁTICA BESTA DO CAMIÑO A FISTERRA

Moitos dos peregrinos ou viaxeiros que se achegaron a Galicia ao longo da historia deixáronos información da súa viaxe, ...

A Costa da Morte presenta a súa nova campaña: unha apos...

Esta campaña parte dunha idea clara: a Costa da Morte non é un decorado nin un produto construído artificialmente para o...

TORRES DO ALLO, UN DOS PRIMEIROS PAZOS DE GALICIA

Moi preto da vila de Baio, no km 55 da estrada C-552 da Coruña a Fisterra, sitúase o pazo das Torres do Allo, unha das m...

Próximos eventos na Costa da Morte

Descubre ao instante qué actividades che agardan na Costa da Morte. Aquí atoparás unha listaxe actualizada de concertos, feiras, rutas guiadas e espectáculos que se celebran na Costa da Morte. Non te perdas ningunha cita: vive a cultura, o deporte e a tradición da nosa comarca. E se queres enterarte antes que ninguén, apúntate á nosa newsletter e recibirás todas as novidades no teu email.

  • Sábado
    21
    Novembro

    Escape room infantil n...

    Un misterio por resolver e moita curiosidade por descubrir: o Museo de...

  • Sábado
    21
    Novembro

    O Tren da Unha present...

    O sábado 21 de novembro de 2026, Laxe ten unha cita coa música en dire...

  • Sábado
    21
    Novembro

    Galicia Sabe aMar en M...

    Malpica volve a saber aMar!O sábado 21 de novembro de 2026 temos unha ...

Logo Cmat Color Fondo Transparente
Resumen de privacidade

Esta web utiliza cookies para que poidamos ofrecerte a mellor experiencia de usuario posible. A información das cookies almacénase no teu navegador e realiza funcións tales como reconocerte cando volves a nosa web ou axudar ao noso equipo a comprender qué seccións da web encontras máis interesantes e útiles.