É o segundo cemiterio municipal de Dumbría e está xunto ao tanatorio de titularidade municipal.
Este cemiterio é de estilo neoplasticista e rompe coa idea tradicional de cemiterio, grises e tristes de por si.
Polos seus rasgos, é popularmente coñecido como o “Cemiterio de Cores”.
É o cemiterio máis chamativo da Costa da Morte.
As súas obras de construción foron rematadas en 2.012.
É obra da arquitecta Rosana Pichel, a mesma que deseñou o albergue de peregrinos do Conco e outras instalacións municipais.
Pode definirse como unha necrópolis neoplasticista, nome do estilo creado a principios do século pasado polo pintor holandés Piet Mondrian, cuxos cadrados estaban cheos de liñas cruzadas en horizontal e vertical, con cores moi vivos en cada segmento. Tamén destacan as cubertas, que tratan de imitar, ao seu modo, as árbores que rodean o lugar, en Estimán.
