Foi construído posiblemente no século XVI sobre a canle do río Xallas. Realizado en pedra labrada, con tres arcos de medio punto de sete metros de altura e doce metros de luz, dispón de catro taxamares. Orixinalmente contaba con partadoiros para os transeúntes por riba dos taxamares.
Durante a Guerra de Independencia, o 12 de abril de 1809, tivo lugar un duro enfrontamento cos franceses en Ponte Olveira, para impedirlles cruzar a ponte. Os franceses, máis e mellor armados, venceron e como represalia decapitaron aos dirixentes, os curas de Mazaricos e Colúns, na Picota.
