Lugar de Interese Xeolóxico Español de Relevancia Internacional (tamén se define como Geosite), o granito do Pindo interponse nos últimos kilómetros do río Xallas, que no seu transcurso, para salvar o desnivel de 155 metros, traza un perfil que remata nunha cascada de 40 metros. Sobre o leito deste espectacular salto labráronse pías e marmitas de gran tamaño. O Xallas discorre por un val a unha altura de 280-320 metros, sobre esquistos relativamente brandos e, a uns 200 metros da
súa desembocadura, atópase aínda a 120 metros de altura, “saltando” directamente sobre o mar. Este espectacular fenómeno parece ser único non só en España senón en toda Europa.
