O cabo Vilán non só é o punto onde poderás ver o primeiro faro eléctrico de Europa, se non tamén unha das postas de sol máis espectaculares grazas a súa vista panorámica do Atlántico. E unha vez que o sol desaparece, poderás ver as estrelas do ceo nocturno nun punto próximo, e polo que terás que pasar para volver a vila de Camariñas, como é o miradoiro do Alto da Vela.
Para chegar a estes dous puntos terás que tomar a estrada que conecta a vila de Camariñas co seu faro. Ambos lugares contan cun espazo reservado para o estacionamento, polo que non terás problema en aparcar o teu coche. O cabo Vilán é o final do traxecto desta estrada. En canto ao miradoiro do Alto da Vela, sitúase nas inmediacións do faro, nunha zona que se abre a un lado da estrada. Este lugar conta con asentos e unhas esculturas de alfinetes, en homenaxe ao encaixe de Camariñas.
