A segunda das rías da Costa da Morte vistas de norte a sur é a de Camariñas. Esta ría ten os seus extremos no cabo Vilán (Camariñas) e na punta da Barca (Muxía) e o seu vértice na desembocadura do río Grande (anteriormente coñecido como Porto) que se inicia en Ponte do Porto.
Na ría de Camariñas poderás visitar lugares como a Punta da Barca e o seu Santuario, o mosteiro de Moraime, o faro Vilán, a praia de Leis e o merendeiro do Ariño así como puntos fóra da ría, pero que se sitúan nos arredores como a duna ramplante Monte Blanco, o cemiterio dos ingleses ou a zona de Camelle e Arou co museo de Manfred Gnädinger.
