Entrevista a María Lago, Técnica de Turismo de Carnota

entrevista-carnota

Continuamos cas entrevistas aos concellos co Concello de Carnota. Carnota está situado no extremo occidental da Coruña, ao sur de Fisterra, lindando cos concellos de Muros, Dumbría e Mazaricos. 

As principais protagonistas do concello de Carnota na paisaxe son, sen dúbida, as rochas graníticas do Monte Pindo, que formaron un espazo natural incomparable dende o punto de vista xeomorfolóxico.

As actividades tradicionais eran, ata non hai moito tempo, a pesca e a agricultura, pero foron perdendo peso. Na actualidade podemos dicir que a riqueza do litoral permite a explotación empresarial dos recursos do mar, sector no que destacan as granxas de rodaballo de Lira e de Quilmas.

Hoxe amosámosvos o concello desde o punto de vista de María Lago, Técnica de Turismo. Deixámosvos as mellores respostas:

Que sentimentos esperta para ti Costa da Morte? Que significa para ti?

A Costa da Morte é ese lugar que che fai sentir libre e con ganas de volver.

Tres motivos para descubrila.

  • A gastronomía da Costa da Morte nunca defrauda, ofrece un produto de alta calidade e con moi boa relación calidade prezo.
  • As praias da Costa da Morte tamén son sempre unha garantía de éxito debido a súa area branca e fina e as augas cristalinas da maior parte delas.
  • As mostras de patrimonio cultural propias da zona como os hórreos ou os muíños de auga pero tamén o patrimonio inmaterial como as festas e tradicións.

En qué época do ano che gusta máis Costa da Morte e por que?

A Costa da Morte posúe un encanto diferente segundo as distintas épocas do ano. No verán o tempo acompaña e a oferta de actividades é máis ampla e no inverno o mar nesta zona ten un atractivo especial durante os temporais. Pero posiblemente a época máis bonita sexa a primavera cando florece a chorima e se poden ver os montes tinguidos de amarelo.

Para os turistas que se animan a visitarvos fóra da tempada de verán, que experiencias non poden perderse?

Visitar os hórreos de Carnota e Lira, os miradores de Louredo e Lira ou a fervenza de Pedrafigueira son visitas que se poden realizar en calquera época do ano. Dar un paseo pola Senda Verde tamén é sempre unha boa opción onde se pode contemplar ademais distintos xacementos arqueolóxicos.

Ademais da praia de Carnota, que outros lugares ou experiencias non poden perderse?

Subir ao monte Pindo é unha experiencia moi reconfortante. Un lugar cargado de mitos e lendas onde poder contemplar as distintas formacións rochosas en forma humana e animal que se foron formando froito da erosión do granito. As vistas dende a Moa son fascinantes e o esforzo ben merece a pena.

Os amantes da artesanía poden visitar un taller de cerámica que ofrece visitas guiadas gratuítas con acceso á exposición e ao taller do artista e para os que queren vivir unha experiencia máis activa, poden desfrutar dunha xornada de pesca da man dun patrón experimentado da zona.

Galicia en xeral, e Costa da Morte en particular, son sinónimo de boa comida, algunhas recomendacións de pratos típicos para descubrir Carnota mediante o padal?

Sen dúbida. Recomendaría os produtos do mar sobretodo pulpo e mariscos que son de calidade excelente na nosa costa.

Que vos contan os que vos visitan? Que é o que máis lles apaixona da súa estancia en Carnota? E de Costa da Morte?

O que máis lles gusta de Carnota é a paisaxe e valoran moito o estado de conservación do litoral practicamente virxe, sen grandes edificacións a pé de praia. A gastronomía e o carácter das xentes da Costa da Morte tamén son moi valorados.

As túas tres praias favoritas en Costa da Morte? Por que esas? E para os amantes do surf e outras actividades náutico-deportivas?

A praia de Carnota, todo un referente da Costa da Morte e de toda Galicia. Un lugar especial, con augas cristalinas e kilómetros de area que ten como telón de fondo o monte Pindo.

A praia de Lariño é unha das miñas favoritas porque se atopa nun entorno idílico sen aglomeracións, perfecta para desconectar. Tamén é frecuentada por deportistas experimentados para a práctica de surf e kitesurf.

A praia de Razo tamén me gusta moito, é unha praia grande que ofrece bastantes servizos.

Para os amantes do sendeirismo… cal recomendas no teu concellos? E cal é a túa preferida en Costa da Morte?

En Carnota recomendaría dúas especialmente, a subida ao Monte Pindo e a Senda Verde. Da Costa da Morte o referente penso que é o Camiño dos Faros.

Que lugar cres que é o gran descoñecido en Costa da Morte pero que ten un gran interese ou potencial?

A zona de Caneliñas, onde se atopa a antiga ballenera, tanto pola súa ubicación como pola historia que hai detrás.

Onde atopamos a mellor posta de sol?

Ao longo da Costa da Morte pódese desfrutar de solpores de película en numerosas lugares. En Carnota destacaría dúas ubicacións especialmente: unha zona moi frecuentada para ver o luscofusco é detrás do faro de Lariño e o outro lugar é o Monte Pindo onde se pode contemplar o último solpor da Europa Continental entre  o 24 de marzo e o 23 de abril e entre o 18 de agosto e o 19 de setembro.

Dos escenarios máis recomendables para ver o solpor do resto da Costa da Morte quédome cos faros de Fisterra e Touriñán.

Etiquetas:

Compartir:

Descubre a las personas clave de la Costa da Morte

Más entrevistas Costa da Morte

Bieito Romero, fundador de Luar na Lubre: «Moitas das c...

Florece a mañá na praia de Caión (A Laracha) e citámonos con Bieito Romero, fundador do mítico grupo Luar na Lubre e rec...

Begoña Fernández, xerente de Stoupa: "Cando vemos artes...

Desde o Miradoiro de Gures (Cee), con vistas ao Cabo Fisterra, ás Illas Lobeiras e ao Monte Pindo, conversamos con Begoñ...

Entrevista a Margarita Lamela Louzán, Alcaldesa de Cee

Continuamos cas entrevistas aos concellos co Concello de Cee. O concello de Cee asómase ao mar por tres fragmentos de co...
Mantente ao día

Newsletter Costa da Morte

Subscríbete á nosa newsletter e recibe as mellores recomendacións sobre a Costa da Morte. Mantente ao día con eventos, rutas, gastronomía e experiencias únicas para a túa próxima visita. ¡Non te perdas nada desta terra máxica!

1606727203-secc-302-3.jpg
Logo Cmat Color Fondo Transparente
Resumen de privacidade

Esta web utiliza cookies para que poidamos ofrecerte a mellor experiencia de usuario posible. A información das cookies almacénase no teu navegador e realiza funcións tales como reconocerte cando volves a nosa web ou axudar ao noso equipo a comprender qué seccións da web encontras máis interesantes e útiles.