CMAT, Costa da Morte Turismo
José Manuel López Varela, alcalde da Laracha, toma o relevo na presidencia da CMAT (Costa da Morte Asociación Turística) de mans de Manuel Muiño Espasandín, rexedor do concello de Zas, quen exercía o cargo desde xullo de 2023.
A CMAT abre o prazo de adhesión ao proxecto SICTED Costa da Morte: as empresas e servizos turísticos interesados poden rexistrarse de balde ata o 20 de xullo. A iniciativa ofrece formación, asesoramento técnico e a certificación oficial “Compromiso coa Calidade Turística”, co obxectivo de mellorar a competitividade do destino e garantir unha experiencia de calidade para o visitante.
Descubre a Costa da Morte dun xeito visual e intuitivo co noso Mapa Interactivo, unha ferramenta en constante evolución que che permite explorar todos os recunchos do territorio dende calquera dispositivo. Neste post contámosche as últimas melloras e novidades.
A Costa da Morte Asociación Turística (CMAT) e a Asociación Profesional do sector Turístico da Costa da Morte (APTCM) veñen de iniciar un novo reparto
A Costa da Morte Asociación Turística (CMAT) presentou este 2 de xuño no Parador da Costa da Morte, en Muxía, dúas iniciativas clave para a promoción do destino: a nova web oficial turística e a dixitalización do libro Costa da Morte, Confín de Europa. O acto contou coa presenza da Deputación da Coruña, Turismo de Galicia e representantes municipais e profesionais do sector turístico.
A CMAT vén de realizar unha viaxe institucional á comarca de Uribe (Bizkaia) para coñecer de primeira man boas prácticas en xestión turística sostible. Durante dous días, representantes da asociación participaron en visitas técnicas, encontros institucionais e reunións con profesionais do sector, obtendo ideas valiosas que poden aplicarse no noso territorio para mellorar a calidade e competitividade do destino Costa da Morte.
A CMAT continúa a súa visita de intercambio na comarca de Uribe cunha segunda xornada centrada na xestión sostible e a cooperación público-privada. A visita incluíu Gaztelugatxe, o Camiño de Santiago en Larrabetzu e unha reunión con representantes da Deputación de Bizkaia, así como un encontro con empresarios locais. A experiencia achegou novas ideas e perspectivas para aplicar na Costa da Morte.
A Costa da Morte Asociación Turística (CMAT) arrancou hoxe a visita de intercambio de boas prácticas á comarca de Uribe (Bizkaia), cun programa organizado da man da Asociación de Desenvolvemento Jata-Ondo, entidade ao cargo do turismo neste destino.
A xunta directiva da CMAT estará este mércores e xoves en Uribe, no País Vasco, para participar nunha visita institucional centrada no intercambio de boas prácticas na xestión turística. A iniciativa enmárcase dentro do programa DP0030 da Deputación da Coruña que promove a mellora da calidade turística.
A Costa da Morte reafirma o seu compromiso coa calidade turística coa entrega dos distintivos SICTED (Sistema Integral de Calidade Turística en Destinos) correspondentes ao Ciclo 1 do ano 2024. O acto tivo lugar este mércores 9 de abril no Centro Sociocultural de Baio (Zas), e reuniu a representantes institucionais, empresarias e empresarios, e técnicas e técnicos do sector turístico.
