Está situado a uns 1.500 m ao NE do núcleo principal do Ézaro. Ten unha altura de 260m sobre o nivel do mar e desde el pódese recoller a mole granítica do Monte Pindo coñecido como o Olimpo Celta da Costa da Morte, o profundo valle escarpado do curso do Río Xallas tamén coñecido como Río Ézaro e a súa desembocadura, a silueta do Cabo Fisterra coroado polo seu faro, as Illas Lobeiras de fronte, os pobos do Pindo e O Ézaro, ademais do encoro de Santa Uxía.
O 30 de agosto de 2012, o miradoiro do Ézaro foi final da décimo segunda etapa da Volta Ciclista España. Foi un feito que marcou un antes e un despois na meca do deporte e do turismo do Concello de Dumbría. O Ézaro comezou a formar parte da historia do ciclismo, un porto de 3ª categoría pero cun final de infarto, a penas 2 km con pendentes de ata o 30%, todo un desafío no cal logrou a súa victoria Joaquim Rodríguez, alias “Purito”.
O ano seguinte, O Ézaro volveu a formar parte do percorrido da Volta, sendo o miradoiro parte da etapa que remataba no Cabo Finisterre. Como consecuencia e para dar resposta á demanda dos aficcionados ao ciclismo, xurdiu a celebración da marcha cicloturista Desafío do Atlántico, que actualmente se coñece como Gran Fondo Ézaro. O 4 de xullo de 2015 tivo lugar o Gran Fondo Ézaro e na que participaron: Miguel Induráin, Claudio Chiappucci, Álvaro Pino, Oscar Pereiro, Gustavo César Veloso, Pedro Nimo, Marcos Pereiro, Ezequiel Mosquera,… acompañados polos grandes amantes do ciclismo.
* Debido á excesiva pendente da estrada que une a cascada co miradoiro, ramplas de ata o 30%, o acceso está prohibido para autocares e caravanas.
