Polos restos arqueolóxicos atopados, podemos dicir que os primeiros mazaricanos dos que temos noticia, viviron por estas terras fai catro mil cincocentos anos aproximadamente. Na zona de Corbeira, en Mámoas, en Val, na Legua de Beba, na Picota, etc., atópanse as primeiras follas da humanización de Mazaricos. Son os chamados dólmenes ou mámoas, na súa maioría sen escavar, agás o de Parxubeira, que nos facilitou datos moi interesantes sobre aquees tempos.
Na parroquia de Eirón, moi cerca da aldea de Corbeira, atópase este importante complexo, de ata cinco dólmenes, nos que se fixeron prospeccións arqueolóxicas con resultados moi aclaratorios sobre a vida dos nosos veciños fai catro mil cincocentos anos.
