Parroquia de gran beleza paisaxística que podemos certificar desde este miradoiro privilexiado desde o que recollemos os pequenos caseríos que forman as aldeas, bañados polo encoro de Santa Uxía e coronados pola impoñente e escarpada silueta do Monte Pindo.
Nesta mesma aldea de Arcos, pero lonxana do conxunto parroquial atópase a casa reitoral, un bo exemplo de arquitectura civil ó servicio da igrexa, que se encontra en vías de restauración para dedicarse a fins turísticos, para os que ten sobrados recursos esta parroquia.
