O presidente da Deputación da Coruña, Valentín González Formoso, o deputado responsable da área de Deportes, José García Liñares, e os deputados/as provinciais Ánxela Franco, José Manuel Pequeño e Ángel García Seoane, participaron o pasado venres na Coruña no acto de entrega de vehículos a sete clubes de remo e piragüismo da provincia. A deputación da Coruña investiu 200.000 euros na adquisición de furgonetas para sete clubs de remo e piragüismo da provincia, entre eles o Club Deportivo Municipal de Piragüismo de Dumbría.
O presidente da Deputación, Valentín González Formoso, afirmou que con estas adqusicións, a área de Deportes da institución provincial pretende apoiar aos clubs de dous deportes naúticos de longa tradición na provincia e axudalos a manter a súa actividade, que require o transporte de material e persoas tanto para os adestramentos como para a participación en competicións.
