Continuamos cas entrevistas aos concellos co Concello de Dumbría. O concello de Dumbría está situado no Camiño de Santiago a Fisterra e Muxía, a uns setenta kilómetros de Santiago e pertence á provincia de A Coruña. ÿ un concello simbólico da comarca de Costa da Morte debido a que a desembocadura do seu principal río, o ÿzaro, precipítase ao océano Atlántico en forma de fervenza.
Hoxe amosámosvos o concello dende o punto de vista de José Manuel Pequeño Castro, Alcalde. Deixámosvos as mellores respostas:
Que sentimentos esperta para ti Costa da Morte? Que significa para ti?
Costa da Morte é liberdade, é respirar profundo e empaparte do seu lado salvaxe, é un xeito distinto de entender a vida.
Costa da Morte é descubrir cada día camiños novos, paisaxes novas e moi diferentes entre si. ÿ saborear lentamente cada bocado, e non só gastronomicamente falando senón en tódolos sentidos da vida.
Tres motivos para descubrila
Gastronomía, paisaxe natural única, e a súa diversidade e variedade a todos os niveis.
En qué época do ano che gusta máis Costa da Morte e por que?
Difícil escolla! Cada época ten o seu encanto. Recoméndovos que nos visitedes en todas elas e elixades por vós.
A primavera é a vida abríndose paso, o verde intenso, as camiñadas eternas.
O verán tráenos a cara doce da Costa da Morte, a froita nas hortas, as augas limpas, os paseos pola praia, o bulicio da xente nas rúas.
Do outono, quédome coas postas de sol, a caída das follas na Carballeira de Berdeogas, menos masificación; o bo tempo, xeralmente.
E o inverno tráenos as impresionantes imaxes da natureza da Costa da Morte no seu máximo esplendor, coa fereza das súas augas, das salgadas do océano, pero tamén das doces dos ríos e fervenzas que atopamos a cada paso.
Para os turistas que se animan a visitarvos fóra da tempada de verán, que experiencias non poden perderse?
- Camiñar entre a néboa, facendo, por exemplo, o Camiño polas Terras do Vákner.
- Gozar da fervenza do ÿzaro caendo salvaxe e pletórica grazas ás chuvias.
- Desfrutar do ruxido do mar nun día de temporal.
- Probar a nosa gastronomía de inverno, de pota, quente; e se é ao carón dunha lareira, xa sería o summum de saborear un bo cocido.
Ademais da Fervenza do ÿzaro, que outros lugares ou experiencias non poden perderse?
- Subir en bicicleta ao Miradoiro do ÿzaro.
- Ver a Fervenza do ÿzaro e o seu entorno nun paseo en kaiak.
- Facer unha merenda campestre na Carballeira de Berdeogas ou na área recreativa de Vilafernández.
- Sentirte diminuto ante a impoñente natureza e a altura de Ponte Peón, en San Crimenzo, mentres fas un ?selfie?, algo tan de moda hoxe.
- Visitar o cemiterio de cores de Dumbría.
- Facer un tramo Camiño, visitando Olveiroa.
- Sentarte ao pés da Pedra Cabalgada do Brazal e admirar o poder do vento e a auga para labrar a pedra.
Galicia en xeral, e Costa da Morte en particular, son sinónimo de boa comida, algunhas recomendacións de pratos típicos para descubrir Dumbría mediante o padal?
Un bo cocido no inverno, a carne criada polos nosos gandeiros cos mellores produtos, unha caldeirada de peixe, as filloas e as orellas do entroido.
Pero tamén a nova cociña que nos están achegando os restaurantes do noso concello, que teñen como base o produto local da mellor calidade e a innovación, que nos fai descubrila con outros ollos, sen prexuízos.
Que vos contan os que vos visitan? Que é o que máis lles apaixona da súa estancia en Dumbría? E de Costa da Morte?
O mimo e o coidado que poñemos en manter as nosas aldeas, co esforzo que iso nos supón, e a estética en xeral dos nosos núcleos.
Sorpréndense polo gran abano de recursos turísticos, afastados da Costa, que descobren na súa visita e que fai que sexan conscientes da diversidade da Costa da Morte, dos contrastes entre as paisaxes marítimas e as de interior, impoñentes por igual.
As túas tres praias favoritas en Costa da Morte? Por que esas? E para os amantes do surf e outras actividades náutico-deportivas?
A do ÿzaro, non pode faltar nesta relación por motivos obvios. ÿ a saída ao mar do concello de Dumbría. Levamos máis de 25 anos mantendo a Bandeira Azul e intentando ofrecerlle aos visitantes os servizos básicos para que gocen dela de maneira pracenteira.
A de Carnota, porque é a máis longa de Galicia e permite paseos infinitos.
A praia de Gures, en Cee, porque alí o verán empeza antes e remata despois, polo abrigada que é.
Para o surf, Nemiña e Razo-Baldaio.
Para os amantes do sendeirismo… cal recomendas no teu concello? E cal é a túa preferida en Costa da Morte?
En Dumbría, a ruta que atravesa todo o concello seguindo o curso do río Xallas, desde o encoro da Fervenza, en Olveira, ata a mesma Fervenza do ÿzaro, onde morren as súas augas.
Ao longo desta ruta podemos desfrutar da variedade de flora e fauna propia do encoro, na área recreativa de Vilafernández; A Ponte Olveira, onde tivo lugar a gran batalla contra as tropas napoleónicas e onde aínda hoxe se conservan os postos de venda da antiga feira que alí se celebraba.
Atravesa tamén Olveiroa, cita indispensable dos peregrinos, coa súa arquitectura popular e o encanto das súas rúas, que acollen tamén locais onde degustar a boa gastronomía das nosas terras. Seguindo o Camiño Xacobeo e desviándonos uns metros antes de chegar ao Logoso, atoparemos a Pedra Cabalgada do Brazal, fenómeno natural que nunca defrauda.
A ruta continúa seguindo as augas do Xallas por todo o val da parroquia de Buxantes. Alí destaca a fervenza de Xestosa, cos seus muíños; As Teixoeiras, que albergan algunhas das edificacións máis antigas do concello; o acueduto de Ponte Peón, que salva as augas do río de San Crimenzo; para chegar ao encoro de Santa Uxía, ao miradoiro do ÿzaro e rematar a ruta desfrutando da fervenza do ÿzaro.
E a maior ruta de sendeirismo da Costa da Morte, cos engadidos espirituais e persoais que a acompañan, é, sen dúbida, para min, o Camiño.
Que lugar cres que é o gran descoñecido en Costa da Morte pero que ten un gran interese ou potencial?
Na miña opinión, o gran descoñecido da Costa da Morte é toda ela en si.
Quen viaxa a Galicia non o fai porque veña expresamente aquí. Non saben de nós, aínda que, co traballo de promoción que se leva facendo nos últimos anos, isto empeza a cambiar. En gran parte grazas ao Camiño, que é o noso mellor escaparate e a nosa mellor promoción.
O viaxeiro vén a Galicia e trae na mente desprazarse un día a unha das cidades, ou á Ribeira Sacra, ou ás Rías Baixas; pero non nos trae a nós en mente.
Iso si, unha vez que nos atopa, repite. Adoita converterse nun visitante que volve porque descubre as bondades deste recuncho, a paisaxe, tanto de mar coma de interior, a gastronomía, a tranquilidade,…
Onde atopamos a mellor posta de sol?
A Posta de Sol con maiúsculas é a de Fisterra, a da fin da Terra, onde todo remata, onde todo chega ao seu fin, o día, o Camiño,…
