O municipio da Laracha atópase na provincia da Coruña, na zona oriental da comarca de Bergantiños; conta cunha extensión de 126,3 km², onde se reúnen suaves montañas, valles e praias.
Ao oeste limita con Carballo, ao leste con Arteixo e Culleredo, ao sur con Cerceda e ao norte co mar no porto de Caión.
A estrada AC-552 atravesa todo o termo municipal, incluíndo o seu capital, a vila da Laracha. A localidade dista 2 km. da Coruña e 59 km. de Santiago de Compostela.
Destacan na zona os seus paseos fluviais, a irmosa praia de Caión co seu sendeiro Azul, o mosteiro de San Pedro de Soandres (s. X) e as súas rutas de sendeirismo, nas que te podes atopar con curiosos vestixios tanto naturais, onde destaca a Pedra da Cabirta, a pedra de abalar de maiores dimensións da Costa da Morte, como históricos, por exemplo, o menhir de Erboedo. Cabe mencionar a elevada presenza de castros no seu territorio, (o de Montes Claros atópase en proceso de escavación) amosa do rico pasado histórico destas terras.
Se a visitas, podes desfrutar da feira de Paiosaco (1º e 3º domingo de mes) e das súas festas de interese turístico de Galicia: a Feira das Cerezas e a Romería dos Milagros de Caión.
