CARACTERÍSTICAS TÉCNICAS:
Kilómetros totais: 43 kilómetros.
Accesos en vehículo: Pedra Moura de Aldemunde e Pedra da Arca de Cerqueda son accesibles en vehículo particular.
Accesos a pé:
- Marco da Anta: 310 metros desde a estrada.
- Chan das Embarradas: 860 metros desde a estrada.
- Fuso da Moura: 330 metros desde a el último aerogenerador del mirador de Fuso da Moura.
Comezamos o percorrido polo concello da Laracha, en concreto visitando unha das poucas “pedrafitas” (menhires) coñecidas na Costa da Morte, o Marco da Anta, denominado tamén Pedra do Ghicho ou Pedra do Carallo.
Este curioso nome provén seguramente da súa peculiar forma fálica.
Aínda que non está clara cal puido ser a súa función durante a prehistoria, ata época recente utilizouse cómo marco indicador do linde entre dúas parroquias.
Para chegar a ela debemos deixar o noso vehículo na estrada e tomar un camiño de monte durante 900 metros ata chegar ao monumento.
Despois do Marco podemos retomar a viaxe en coche para dirixirnos a terras do municipio de Carballo.
Alí, na parroquia de Aldemunde, atópase a Pedra da Moura, nun contorno case idílico, nunha parcela de prado ao lado do camiño.
O seu nome evoca historias de mouros e mouras, que para os nosos maiores foron os construtores míticos de dólmenes e mámoas (túmulos).
En Aldemunde, conta que as pedras foron transportadas por unha moura desde o Petón de Calvelo, mentres iba filando nunha roca e daba de mamar a un neno.
Volvemos á estrada e nos encamiñamos agora cara a Coristanco ata chegar ao lugar de Bieite de Abaixo.
Deixamos o vehículo no lugar e facemos unha pequena camiñata duns 800 metros polo chamado monte de Figueiras ata o dolme de Chan das Embarradas.
O monumento aparece escondido en medio do bosque, arrimado a un antigo muro de pedra, que aproveitou parte do corredor de entrada para a súa construción.
O megalito, que conserva a maior parte da súa estrutura, está realizado a base de enormes pedras de esquisto e unha delas chama a atención por presentar unha tonalidade máis escura que as outras.
O seguinte destino é a Pedra da Arca, en Cerqueda, no concello de Malpica, nela volve a aparecer a mesma leira dunha moura que levou as losas de pedra na cabeza mentres hilaba cunha roca e amamantaba a un bebé.
Pero o que máis impresiona desta anta é a súa monumentalidade, especialmente da pedra de cuberta que se calcula acada as 9 toneladas.
Deixamos Cerqueda e o novo destino sitúase no monte de Asalo, no límite entre os concellos de Malpica e Ponteceso, nun parque eólico que conta cunha das mellores vistas panorámicas de toda A Costa da Morte.
Cerca do miradoiro do Fuso da Moura, atópase unha “pedrafita” co mesmo nome e cunha curiosa forma que recorda á dun fuso.
Está integrada nunha necrópolis megalítica e durante a prehistoria puido xuga-lo papel de fito sinalizador dos enterros.
Ata hai non moitos anos era tradición levar alí o gañado enfermo e para que se curase había que dar primeiro varias voltas arredor da pedra e despois, ao baixar do monte, era necesario romper unha cazuela de barro nun cruzamento onde houbese un cruceiro.
