Situado estratéxicamente na Costa da Morte, a 5 km de Camariñas, este faro aséntase sobre o Cabo Vilán. O seu uso é de grande importancia para a navegación por esta perigosa custa.
O anterior faro, do que aínda hoxe pódense ver os restos, acendeuse por vez primeira en 1854. Era un faro de cuarto orde, alimentado por aceite e cun alcance de 10 millas, pero non era capaz de salvar a pedra máis elevada do cabo, o que producía unha perigosa zona de escuridade no lugar onde se sitúan uns baixos rochosos. Dinamitouse a pedra e aumentouse a altura da torre, pero non se puido solucionar o problema do ángulo cego. A traxedia do Serpent en 1890 e a doutros barcos naufragados fixeron que as autoridades españolas se percatasen da deficiente iluminación do faro e así, en 1896, inaugurouse o novo faro, o primeiro de España que funcionou con enerxía eléctrica.
O museo, situado no Faro Vilán, divulga información da historia dos naufraxios e dos faros da Costa da Morte a través de proxeccións en vídeo, pezas reais, fotografías e paneis con visores, para rematar cunha simulación dun percorrido polo interior da torre do faro.
