A noite de San Xoán na Costa da Morte é quizás unha das máis importantes dentro da nosa cultura. Non só se trata da noite que dá inicia ao verán, se non unha noite na que se levan a cabo tradicións milenarias tales como lavar as herbas de San Xoán, comer sardiñas ou acender as fogueiras e saltalas para chamar á boa sorte e espantar os malos espíritos. Porén, poucas localidades danlle tanto protagonismo e lle sacan tanto partido a esta festividade como o fai Carballo. Aquí poderás vivir e participar en toda a tradición dun San Xoán da Costa da Morte non só durante unha noite, senón durante dez días nos que desfrutarás de concertos ao aire libre, bailes e música tradicional nas rúas, atraccións e xogos tradicionais para os máis pequenos da casa, concursos de sobremesas e moito máis.
A noite de San Xoán celébrase cada noite do 23 de Xuño, aínda que en Carballo os festexos empezan uns días antes e se alargan durante unha semana posteriormente.
