F.I.O.T. Festival Internacional Outono de Teatro

Desde 1992 o F.I.O.T. (Festival Internacional Outono de Teatro) é un referente no teatro tanto nacional como internacional no que poderás ver a artistas consagrados e compañías de fama mundial sobre o entarimado e, ao mesmo tempo, descubrir os novos talentos dentro da actuación e a creación de obras. Un mes onde a cidade de Carballo engálase para subir o telón e mostrarte novas historias cada fin de semana, narrar contos polas rúas e locais de toda a cidade e buscar sorprenderte cada ano con novos espectáculos e formatos.

O F.I.O.T celébrase cada ano no mes de Outubro na cidade de Carballo. Para asistir a el podes facelo mediante aboamentos que te permiten presenciar todas as obras que se celebran ou mediante entradas individuais ao espectáculo que máis te guste.