- Percorrido: Lineal
- Punto de partida/chegada: Igrexa do Pindo – A Moa
- Lonxitude: 4,00 km (ida)
- Duración aproximada (ida e volta): 3 horas
- Dificultade: Media
Outra das alternativas para subir ata a cima do Monte Pindo con saída ao nivel do mar xunto a praza da igrexa do Pindo.
Ao pouco de comezar atopamos numerosos moliños de auga e unha cova na que se refuxiaron os fuxitivos da Guerra Civil.
A medida que ascendemos pasamos polo Castillo de San Xurxo e continuamos ata O Pedrullo, onde aínda se poden observar os restos das murallas que antigamente circundaban a construción primitiva.
Despois de percorrer un pequeno treito chegamos ao “Chan de Lourenzo”, un espazo aberto onde se atopa o Xigante do Chan de Lourenzo e o que queda dunha explotación de wolframio.
Desde este lugar podemos divisar o cume da Moa e continuar ascendendo ata a cima.
Unha subida dura pero que merece a pena pola vista da paisaxe que podemos recoller e a sensación de estar nun lugar máxico.
Nesta ruta descubriremos as formas sorprendentes que adoptan as rocas e a potencia dunha paisaxe de gran valor a pesar dos notables estragos dos incendios.
Cerca da cume merece a pena facer un alto na irmosa área de descanso dotada con mesas de madeira.
Unha ruta perfectamente sinalizada que podemos culminar cun baño na praia de San Pedro unha vez descendamos ata o nivel do mar.
Podemos complementar a xornada visitando outro dos fitos do lugar: A Cascada de Ézaro, o único río da Europa continental que desemboca no mar cun salto de auga.
Este é un lugar moi visitado sobre todo nos meses de verán onde podes desfrutar do espectáculo audiovisual da Cascada do Ézaro.
Un espectáculo único, unha combinación máxica de auga, pedra, vexetación, luces, cores e música…
Outro lugar emblemático é o miradoiro de Ézaro, onde atopamos unhas vistas de infarto que conseguiron moita popularidade nos últimos anos por ser final de etapa da Volta Ciclista a España.
Acceso á ruta no noso perfil de wikiloc
