- Percorrido: Lineal
- Punto de partida/chegada: Casa natal de Eduardo Pondal
- Lonxitude: 2,5 km
- Duración aproximada (ida e volta): 1,5 horas
- Dificultade: Fácil
A chegada ao mar do río Anllóns debuxa unha das imaxes máis espectaculares que podemos atopar na Costa da Morte.
Contrariamente á imaxe que máis temos na cabeza e que asocia este territorio con grandes acantilados e o mar golpeando sobre eles, temos diante de nosoutros un estuario calmado que virte as súas augas no mar creando un territorio de enorme riqueza paisaxística e ambiental que temos a obriga de manter intacta.
Empezamos o noso percorrido desde a Casa natal de Eduardo Pondal, diante da que atopamos a ponte que divide os concellos de Ponteceso e Cabana, e que precisamente sería obxecto dalgúns dos versos do poeta.
Trátase dun dos moitos ponte/fronteira que atoparemos ao longo deste territorio e que nos servirán tanto para sortear o río como tamén para cambiar de concello.
Pontes con moita historia como o de Lubiáns, o de Brandomil ou o de Ponte do Porto.
Regresando á ruta en Ponteceso, desde alí arrinca unha senda que nos levará ata o Malecón do Couto, con pasarelas de madeira perfectamente integradas no contorno que nos permiten pasear por unha Zona de Especial Protección para as aves.
O sendeiro está delimitado por elementos vexetais que fan a nosa intrusión máis respectuosa e nos axudan a non interromper a vida das aves acuáticas que teñen aquí o seu territorio.
Se continuamos o sendeiro ao finalizar as pasarelas nos atoparemos aos pés do Monte Branco.
Neste punto podemos iniciar o ascenso continuando pola senda do PRG – 148 ata o porto de Corme.
Pero nesta ocasión desandamos os nosos pasos cara ao punto de inicio para continuar remontando o Anllóns durante aproximadamente un kilómetro ata o final do camiño.
Unha ruta curta, accesible e completamente chana nun contorno moi particular que cambia a cada minuto pola influencia das mareas.
Acceso á ruta no noso perfil de wikiloc
