A Ría de Lires, situada na parroquia homónima, está considerada a ría máis pequena de Galicia, e funciona como límite natural entre os concellos de Cee e Muxía, no corazón da Costa da Morte.
Este espazo natural forma parte da Rede Natura 2000 e está catalogado como Lugar de Interese Comunitario polo seu alto valor ecolóxico. É un auténtico refuxio para as aves mariñas, xa que serve como punto de paso e observación de especies como garzas reais, parrulos, grúas e moitas outras.
A maiores do seu valor natural, a Ría de Lires é famosa polas súas posta de sol impresionantes e está situada no trazado do Camiño de Santiago entre Fisterra e Muxía, converténdose nun lugar ideal para facer unha parada e conectar coa paisaxe e a biodiversidade da Costa da Morte.
