Na parroquia de A Ameixenda, no concello de Cee, atópase a Factoría baleeira de Caneliñas, a última planta deste tipo en activo en Europa e unha das mellor conservadas. Con máis de 60 anos de actividade, representa un dos capítulos máis singulares da historia industrial mariña de Galicia.
A súa primeira etapa arrincou en 1924 da man da Compañía Baleeira Española, con capital noruegués. En 1951 comezou unha nova fase coa empresa IBSA, que modernizou as instalacións e orientou a produción ao mercado xaponés ata o seu peche en 1985, tras o procesado do derradeiro rorcual común, de 17,7 metros.
Hoxe consérvanse elementos patrimoniais como as dúas rampas de izado, o antigo muelle, as naves de procesado, os pozos e canalizacións. O lugar, cargado de historia, é agora un dos mellores puntos de Galicia para ver baleas e golfiños, e tamén un espazo único para desconectar e mergullarse na natureza.
