Fisterra é historia, leiendas, patrimonio, natureza e camiño. O Faro de Fisterra é o punto de interese máis destacado da vila. O Cabo do Fin do Mundo, “Finis Terrae”, foi un lugar de culto ao sol, e é un sitio destacado para recoller a posta de sol. Tamén se poden visitar as ruínas de San Guillermo e as Pedras Santas no alto do monte Facho, onde se sitúa o faro, un lugar cheo de leiendas.
O Castillo de San Carlos, patrimonio vivo do municipio, alberga no seu interior un Museo da Pesca con visitas guiadas para comprender e aprender sobre a importancia da pesca galega ao longo da historia.
A Igrexa de Santa María das Arenas, de estilo románico do século XII, destaca no seu interior polas imaxes do Santo Cristo de Fisterra, a Virxe do Carme e A nosa Señora das Arenas. A igrexa conta cunha Porta Santa, que permite a entrada ao templo durante os actos do Ano Santo.
As praias salvaxes de Mar de Fora, O Rostro e Arnela amosan os acantilados e a bravura desta zona.
Fisterra é un lugar de peregrinación dende o século XII. A vinculación de Fisterra co Camiño aparece mencionada no Códice Calixtino, texto esencial das peregrinacións medievais. Cada ano, máis peregrinos acércanse á nosa terra, o final da súa peregrinación, onde se lles entrega a certificación oficial de Fin do Camiño chamada “Fisterrana”.
