Curso de introdución á lingua e á cultura galegas en Coristanco

O Concello de Coristanco acollerá un curso de introdución á lingua e á cultura galegas, especialmente pensado para persoas que non teñen coñecementos previos de galego ou que desexan adquirir nocións básicas para desenvolverse con maior facilidade en situacións habituais da vida cotiá.

A formación terá un enfoque práctico, comunicativo e participativo. Traballaranse vocabulario, expresións de uso habitual, comprensión oral e escrita, ortografía e recursos para comunicarse en situacións cotiás. O curso permitirá tamén achegarse á cultura e á historia de Galicia, ás súas festas, tradicións, gastronomía e música.

Datas e horario

• 26, 27, 28, 29 e 30 de outubro de 2026.
• 2, 3, 4, 5 e 6 de novembro de 2026.
• Horario: de 10.00 a 12.00 horas.
• Duración total: 20 horas.

Persoas destinatarias e inscricións

Dirixido a persoas maiores de 16 anos, especialmente a aquelas que se achegan por primeira vez á lingua galega ou queren adquirir coñecementos básicos.

As inscricións realizaranse na Biblioteca Municipal de Coristanco.

As persoas que superen o curso recibirán un diploma expedido pola Secretaría Xeral de Política Lingüística, acreditativo da participación con aproveitamento na formación.

A realización do curso estará condicionada á inscrición dun número mínimo de participantes.

A iniciativa desenvólvese en colaboración coa Xunta de Galicia, a través da Secretaría Xeral de Política Lingüística, no marco da Rede de Dinamización Lingüística.