Camariñas é un lugar único que sorprende ao visitante. No corazón da Costa da Morte atópase o auténtico paraíso. Camariñas é mar e natureza, pero tamén gastronomía, cultura e tradición. Un lugar cheo de tesouros por descubrir.
O impresionante Faro Vilán, o primeiro faro eléctrico de España, testemuña mudo de centos de naufraxios, como o do Serpent en 1890, cuxos mariñeiros están enterrados no Cemiterio dos Ingleses, un lugar único que forma parte da Ruta Europea de Cemiterios Singulares, e que vixia a duna ramplante máis grande de España.
O Museo de Man, en Camelle, onde coñecer a vida e obra deste artista único e irrepetible.
O Museo do Encaixe, onde admirar unha arte centenaria que aínda perdura hoxe en Camariñas e ao que se rende homenaxe en Semana Santa, na Mostra do Encaixe.
Rutas incribles onde admirar a bravura do Atlántico, a calma da Ría de Camariñas ou a maxia do Río Grande.
A mellor gastronomía do mar e da terra, festas, tradicións e cultura… En definitiva, Camariñas é un paraíso para deixarte sorprender…
