- Percorrido: Lineal
- Punto de partida/llegada: Laxe – Mórdomo (Traba)
- Lonxitude: 8,7 km.
- Duración aproximada (ida): 3 h.
- Dificultade: Fácil
Ruta sinalizada como PR-G 114 (sendeiro de pequeno percorrido) que transcorre por camiños e sendeiros xunto ao mar.
A primeira parte da ruta coincide coa de Punta Insua, desviándose desta na Rúa do Campo cara á Capela de Santa Rosa.
Iniciamos a ruta no Paseo Marítimo de Laxe, onde atopamos un panel informativo cos detalles da ruta.
Nos desprazamos polo pobo ata a igrexa de Santa María de Atalaia, de estilo gótico mariñeiro.
Emprendemos o camiño do faro, pero ao chegar á Rúa do Campo tomamos o camiño con dirección á Capela de Santa Rosa.
Neste elevado lugar podemos desfrutar de vistas panorámicas de Laxe e da ría.
Iniciamos o camiño cara á praia de Soesto na que podemos facer unha parada e descansar na súa área recreativa.
A esta praia son moitos os surfistas que acuden, pero debemos ter coidado se nos bañamos, xa que a auga presenta moitas correntes.
Retomamos de novo o camiño e cruzamos a ponte sobre o Rego de Soesto, a partir do cal podemos continuar por un entarimado de madeira.
Chegamos a Punta do Catasol e de aquí ao monte O Castrallón e a Furna de Arnado, coa praia de Traba de fondo, así como os moliños eólicos de Camelle.
Xa na praia de Arnado emprendemos de novo o paso rumbo a Campo de Almozarro, área recreativa que invita de novo ao descanso no seu pinar.
Retomamos o sendeiro de novo ata a praia de Traba, tramo xa final da ruta, coas dunas de fondo.
Atravesamos o Rego do Vao por unha ponte de pedra e seguimos ata pasar ante a Lagoa de Traba.
Nela podemos facer unha pausa para observar as numerosas aves que a habitan (garzas, patos, gabiotas…).
Por último, vemos a Pena de Mórdomo, o Rascalobos e a Pena Tallada, ata chegar ao panel interpretativo da lagoa.
Finalizamos esta ruta en Mórdomo.
Unha ruta que une un espazo urbano como o pobo de Laxe, onde tamén debemos visitar lugares emblemáticos como o faro e a praia dos cristais, cun dos lugares de maior valor ecolóxico da Costa da Morte: a lagoa de Traba.
Para concluír a xornada podemos quedarnos na praia descansando e recollendo as espectaculares manobras de kite surf ou acercarnos ata o próximo Camelle e redescubrir a figura de Manfred Gnädinger, Man, visitando o museo e xardín que recorda a súa vida e obra.
Acceso á ruta no noso perfil de wikiloc
