O 16 de xuño, celébrase en Toba, parroquia do concello de Cee, unha das romarías máis emblemáticas da Costa da Morte: a Romaría de San Adrián de Toba. Declarada festivo local, congrega cada ano a centos de persoas que acoden coas súas ofrendas, participando na tradicional poxa de galos vivos, ou simplemente para gozar dun día en familia ao pé da natureza.
San Adrián é invocado como curador de enfermidades da pel, tanto en humanos coma en animais. Antigamente ofrecíanse exvotos de cera, patacas ou galos segundo a devoción. A procesión co santo rodea a igrexa e o cruceiro, e moitos fieis seguen a tradición de facelo de xeonllos.
A igrexa parroquial, reformada en 1772 polo mestre canteiro Andrés Seoane, conserva parte do seu orixinal románico do ano 1190. Preto do templo, atópanse áreas recreativas e os Muiños de Toba, un espazo etnográfico ideal para xantar ao aire libre, con fontes, mesas e o murmurio do Río das Laxes como acompañamento perfecto.
Eventos que non podes perderte na Costa da Morte
Outras Festas de interese relixioso na Costa da Morte
Romaría de Santo Hadrián de Malpica
Segundo a leira existía unha praga de serpientes na zona de Malpica ata a chegad...
