A terceira ría da Costa da Morte vistas de norte a sur é a de Corcubión. Esta ría ten os seus extremos no cabo Fisterra (Fisterra) e en Lira e o seu vértice atópase na localidade de Corcubión, aínda que a desembocadura do seu río, o Xallas, sitúase en Ézaro.
Na ría de Corcubión poderás visitar lugares como o cabo e faro de Fisterra, a praia de Carnota, O monte Pindo (coñecido como o Olimpo celta), a cascada de Ézaro na desembocadura do río Xallas, o hórreo máis grande de Galicia en Carnota ou a poboación de Lira coas súas vistas únicas ao océano Atlántico.
