A igrexa parroquial de Traba atópase nun lugar solitario, sen casas ao seu arredor, orientada da mesma forma que as das demais parroquias: cabeceira cara o este, e fachada cara o oeste. A ábsida e a nave foron levantadas no primeiro terzo do século XIII, aínda que se cambiou a cobertura da segunda no 1940 por unha bóveda de ladrillo e cemento. A base estrutural do templo é románica, apreciable nos muros, na bóveda da ábsida e en elementos externos.
A fachada principal sufriu en 1716 a última reforma, créndose que foi este o ano da realización do retablo pétreo que abrangue toda a súa parte central.
