El vigía del bosque
En medio dun pinar e case escondido pola vexetación atópase o dolme de Pedra Vixía. Moi cerca, a escasos 300 metros, localízase a coñecida área recreativa do mesmo nome situada xunto ao río Zas.
Trátase dun gran megalito de cámara e corredor que, na actualidade, se atopa bastante alterado debido ao desprazamento de gran parte das súas losas, tanto da cuberta como as pedras verticais. A causa parece ter sido un veciño de Lamas que, na década de 1950, quixo utilizar o dolme como material construtivo para a súa casa.
Porén, o megalito aínda conserva gran parte da súa estrutura megalítica con sete losas de granito verticais, que formarían unha cámara poligonal, case circular. A máis grande alcanza os 2 metros de alto e 1,30 metros de largo. Estamos pois ante un dolmen verdadeiramente monumental.
