Se algo ten Laxe é praias que quitan o hipo. Tanto Traba como Soesto contan cun contorno natural privilexiado no que se poden realizar moitísimas actividades, incluíndo a observación astronómica.
De feito, unha proposta fantástica pode ser pasar o día en Soesto. Pola mañá camiñando polo paseo pola costa ata Traba e volver (uns 6 quilómetros en total). Despois, comer no merendeiro de Soesto, unha sesión de surf pola tarde e pola noite quedarse a ver as estrelas. Un plan en plena natureza para cargar pilas e desfrutar de todo o que ofrece esta zona.
